ജാപ്പനീസ് ഭക്ഷണ രീതികൾ ഇപ്പോൾ കേരളത്തിലും പ്രചാരമേറി കൊണ്ടിരിക്കുകയാണ്. ജാപ്പനീസ് ഭക്ഷണത്തിൽ കടൽവിവങ്ങൾക്കുള്ള സ്ഥാനം വളരെ വലുതാണ്. പച്ച മാസംസം, ജാപ്പനീസ് സ്റ്റിക് റൈസ്, തുടങ്ങിയവ ഉപയോഗിച്ചുണ്ടാക്കുന്ന ജാപ്പനീസ് ഭക്ഷണമായ സുഷി വളരെ കുറഞ്ഞ കാലയളവിൽ നിരവധി ആരാധകരെയാണ് സൃഷ്ടിച്ചത്. ഇപ്പോഴിതാ ഏറ്റവും വിലപിടിപ്പുള്ള സുഷി തയ്യാറാക്കി ഗിന്നസ് റെക്കോർഡിൽ ഇടം പിടിച്ചിരിക്കുകയായിരിക്കുകയാണ് ജപ്പാനിലെ ഒരു റെസ്റ്റോറന്റ്.
ജപ്പാനിലെ ഒസാക്കയിലെ സുഷി കിരിമോൻ എന്ന റെസ്റ്റോറന്റാണ് വ്യത്യസ്ത കടൽ സസ്യങ്ങളും, മത്സ്യങ്ങളും ഉപയോഗിച്ച് സുഷി ഉണ്ടാക്കി ഗിന്നസ് റെക്കോർഡ് കരസ്ഥമാക്കിയത്. കിവാമി ഒമാകാസെ എന്ന പേരിലാണ് ഈ ഭക്ഷണം തയ്യാറാക്കിയിരിക്കുന്നത്. ഇരുപത് വ്യത്യസ്ത സുഷികൾ കൊണ്ടാണ് ഈ ഭക്ഷണം തയ്യാറാക്കിയെടുത്തിരിക്കുന്നത്. ഇന്ത്യൻ രൂപ 2 ലക്ഷത്തിലധികം വരും ഈ സുഷി വാങ്ങാനായി നൽകേണ്ടത്.
വിലകൂടിയ മത്സ്യങ്ങളായ പസിഫിക് ബ്ലൂഫിൻ ട്യൂണ, സാൽമൺ, ജാപ്പനീസ് ടൈഗർ പ്രോൺ, കോംഗർ ഈൽ, ഹെയറി ക്രാബ് തുടങ്ങി വ്യത്യസ്ത കടൽമത്സ്യങ്ങളും കടൽ സസ്യങ്ങളും ഉപയോഗിച്ചാണ് ഈ ഭക്ഷണം തയ്യാറാക്കിയെടുത്തത്. ഭക്ഷണം വിളമ്പിയതിന് ശേഷം മുകളിൽ സ്വർണ നിറത്തിലുള്ള ഇലകൾ വിതറുന്നതും സുഷിയുടെ ഭംഗി വർദ്ധിപ്പിക്കുന്നു.
Comments