ഈ അധ്യാപികയെ മാതൃകയാക്കാം..; വിദ്യാർത്ഥികൾക്ക് ‘ഗുഡ് ടച്ചും ബാഡ് ടച്ചും’ പറഞ്ഞുകൊടുത്ത് വൈറലായ ടീച്ചർ ഇതാ..

കുട്ടികൾക്കു നേരെയുള്ള ആക്രമണങ്ങൾ വർദ്ധിച്ചു വരുന്ന സമകാലീന സമൂഹത്തിൽ ലൈംഗിക വിദ്യാഭ്യാസത്തെ കുറിച്ചുള്ള ബോധവത്ക്കരണ ക്ലാസുകൾ അനിവാര്യമാണ്. അത്തരത്തിൽ ഡിജിറ്റൽ ലോകത്തിൽ നിന്നും അടുത്തിടെ പുറത്തുവന്ന ഒരു വീഡിയോ ആണ് ഇപ്പോൾ സമൂഹ മാദ്ധ്യമങ്ങളിൽ വൈറലായി കൊണ്ടിരിക്കുന്നത്.

തന്റെ വിദ്യാർത്ഥികൾക്ക് നല്ല സ്പർശനവും മോശ സ്പർശനവും തമ്മിലുള്ള വ്യത്യാസങ്ങൾ പറഞ്ഞു കൊടുക്കുകയാണ് ഈ അധ്യാപിക. നല്ല സ്പർശനവും മോശം സ്പർശനവും എങ്ങനെ തിരിച്ചറിയണമെന്ന് ചില ഉദാഹരണങ്ങൾ സഹിതം അധ്യാപിക കാണിച്ചുകൊടുക്കുന്നുണ്ട്. മോശമായി ആരെങ്കിലും ശരീരത്തിൽ സ്പർശിക്കുകയാണെങ്കിൽ അതിനെ എതിർക്കണമെന്നും ആ കാര്യങ്ങൾ വീട്ടുകാരോടോ അധ്യാപകരോടോ പറയണമെന്നും വിദ്യാർത്ഥികളോട് ടീച്ചർ പറഞ്ഞു മനസിലാക്കി കൊടുക്കുന്നതും വീഡിയോയിൽ കാണാം..

This teacher deserves to get famous 👏

This should be replicated in all schools across India.

Share it as much as you can. pic.twitter.com/n5dx90aQm0

— Roshan Rai (@RoshanKrRaii) August 8, 2023

റോഷൻ റോയ് എന്ന ട്വിറ്റർ ഉപയോക്താവ് ഈ ദൃശ്യങ്ങൾ പങ്കുവെച്ചതോടെ നിരവധി ആളുകളാണ് അധ്യാപികയ്‌ക്ക് കയ്യടികളുമായി രംഗത്തെത്തിയത്. ഇന്നത്തെ കാലഘട്ടത്തിൽ സകൂളുകളിൽ ഇത്തരം ക്ലാസുകൾ പ്രാധാന്യം അർഹിക്കുന്നതാണെന്നായിരുന്നു പ്രേക്ഷകരുടെ അഭിപ്രായം. ഇതിനകം 1.1 ദശലക്ഷത്തിലധികം ആളുകളാണ് വീഡിയോ കണ്ടത്.