ചരിത്ര പ്രസിദ്ധമായ ചെങ്കോട്ടയിലെ സ്വാതന്ത്ര്യദിനാഘോഷത്തിൽ പങ്കുച്ചേരാൻ ആഗ്രഹിക്കുന്നവരാകും നമ്മളിൽ ഭൂരിഭാഗം പേരും. അതിനായി ഏറെ കടമ്പകൾ കടക്കുകയും വേണം. എന്നാൽ ഇക്കൊല്ലം കാര്യങ്ങൾ അങ്ങനെയല്ല, കാര്യം സിംപിളാണ്.
www.aamantran.mod.gov.in എന്ന വെബ്‌സൈറ്റിൽ നിന്ന് ഇ-ടിക്കറ്റുകളായി പ്രവേശനം നേടാവുന്നതാണ്. ജനങ്ങൾക്ക് സൗകര്യപ്രദവും സുഗമവുമായ സേവനം നൽകുകയെന്ന കേന്ദ്ര സർക്കാരിന്റെ പ്രതിബദ്ധതയാണ് പ്രകടമാകുന്നത്. പേപ്പറിന്റെ ഉപയോഗം കുറയ്‌ക്കുന്നത് വഴി പ്രകൃതിയ്‌ക്കും സംരക്ഷണമേകാൻ ഇ-ടിക്കറ്റിന് കഴിയുന്നു. പ്രകൃതി സംരക്ഷണം സർക്കാരിന്റെ പ്രധാനപ്പെട്ട മേഖലയാണ് എന്നുള്ളതിന് ഉത്തമ ഉദാഹരണമാണ് ഇത്.
വീട്ടിലിരുന്നോ ഓഫീസിലിരുന്നോ വളരെ എളുപ്പത്തിൽ ടിക്കറ്റ് ബുക്ക് ചെയ്യാവുന്നതാണ്. സീറ്റിന്റെ തരം നിശ്ചയിച്ച് സൗകര്യപ്രദമായ ഇടം തിരഞ്ഞെടുക്കാവുന്നതാണ്. 20, 500 എന്നിങ്ങനെയാണ് ടിക്കറ്റ് നിരക്ക്. ഓരോ ഇ-ടിക്കറ്റിനും പ്രത്യേക ക്യൂആർ കോഡാണുള്ളത്. കൃത്യമായ വിവരങ്ങൾ രേഖപ്പെടുത്തി ടിക്കറ്റുകൾ ബുക്ക് ചെയ്യുമ്പോൾ പരേഡും മറ്റ് പരിപാടികളും നടക്കുന്ന സ്ഥലവും വേദിയുമെല്ലാം വളരെ കൃത്യമായി അതിൽ രേഖപ്പെടുത്തിയിട്ടുണ്ടാകും.
