വിമാനയാത്രയ്‌ക്കിടെ ആകാശത്ത് വിചിത്ര വസ്തുവിനെ കാണാനിടയായെന്ന് നടി ദിവ്യപ്രഭ. താരം ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവെച്ചിട്ടുമുണ്ട്. മുംബൈയിൽ നിന്ന് കൊച്ചിയിലേക്കുള്ള യാത്രയിലാണ് ആകസ്മികമായി ഈ വസ്തുവിനെ കണ്ടത്. നിമിഷങ്ങൾക്കകം ഇത് അപ്രത്യക്ഷമായെന്നും ദിവ്യപ്രഭയുടെ കുറിപ്പിൽ പറയുന്നു.
മുംബൈയിൽ നിന്ന് കൊച്ചിയിലേക്കുള്ള യാത്രയിൽ, കൊച്ചിയിൽ ഇറങ്ങുന്നതിന് ഏകദേശം ഒരു മണിക്കൂറിന് മുൻപ് ആകാശത്തിന്റെ ചിത്രം എടുക്കുകയായിരുന്നു. പെട്ടന്ന് ഞാൻ എന്റെ ഫോണിന്റെ ക്യാമറയിലൂടെ എന്തോ കണ്ടു. മേഘങ്ങൾക്കിടയിലൂടെ വിചിത്രമായ വസ്തു പറക്കുന്നതും നിമിഷങ്ങൾക്കുള്ളിൽ അത് അപ്രത്യക്ഷമാവുകയും ചെയ്തു. എന്താണെന്ന് എനിക്ക് മനസ്സിലാകുന്നില്ല. അതൊരു യുഎഫ്ഒ (പറക്കും തളിക) ആണോ? -ദിവ്യപ്രഭ ഇൻസ്റ്റഗ്രാമിൽ കുറിച്ചു. ചിത്രങ്ങൾ സഹിതമാണ് ദിവ്യ കുറിപ്പ് പങ്കുവച്ചിരിക്കുന്നത്. നിരവധി പേർ ചിത്രത്തിന് കമന്റും ചെയ്തിട്ടുണ്ട്.
View this post on Instagram
അപരിചിത പറക്കൽ വസ്തുക്കളെയാണ് പറക്കും തളികകൾ എന്ന് വിളിക്കുന്നത്. ലോകത്ത് നിരവധിപേർ അന്യഗ്രഹ ജീവികളെ കണ്ടതായി പറയപ്പെടുന്നു. അടുത്തിടെ ബ്രിട്ടനിലെ ആകാശത്ത് വീണ്ടും അജ്ഞാത ദൃശ്യം രൂപം കണ്ടതായി അഭിപ്രായപ്പെട്ടിരുന്നു. പ്രമുഖ പറക്കും തളികാ വിദഗ്ധനായ ജോൺ മൂണർ ഇതിന്റെ ഭയാനകമായ ദൃശ്യം പുറത്തുവിട്ടിരുന്നു.തുടർച്ചയായി ബ്രിട്ടനിൽ ഇത് കാണപ്പെടുന്നത് സമൂഹമാദ്ധ്യമങ്ങളിൽ വളരെയധികം ചർച്ചയായിരുന്നു. ഇതിന്റെ പിന്നിലെ വാസ്തവത്തെ കുറിച്ച് പഠനങ്ങൾ നടക്കുന്നുണ്ട്.
