പുളിയും അതിനെ ഒന്ന് കുറയ്ക്കാനായി ഇത്തിരി മധുരം, ആരെയും ആകർഷിക്കുന്ന നിറം. ചാമ്പയ്ക്ക കണ്ടാൽ ആർക്കാണെങ്കിലും ഒന്ന് പൊട്ടിച്ച് കഴിക്കാൻ തോന്നുമെന്നതിൽ സംശയമില്ല. നിരവധി ഗുണങ്ങളുള്ള ഈ ചാമ്പയ്ക്കയെ അവഗണിക്കുകയാണ് പതിവ്. ധാരാളം വെള്ളമടങ്ങിയ ചാമ്പയ്ക്ക പോഷക സമ്പന്നമാണ്. വൈറ്റമിൻ സി, കാൽസ്യം, ഇരുമ്പ്, ഫൈബർ, പ്രോട്ടീൻ എന്നിവകൊണ്ടെല്ലാം സമ്പന്നമാണ് ചാമ്പയ്ക്ക.
ചാമ്പയ്ക്കയുടെ ആരോഗ്യഗുണങ്ങൾ:-
1) നിർജലീകരണത്തെ തടയാൻ ചാമ്പയ്ക്കയ്ക്ക കഴിയും. ഇതിൽ ധാരാളം ജലം അടങ്ങിയിരിക്കുന്നു, ദാഹം ശമിപ്പിക്കുന്നതിനും ചൂട് ശമിപ്പിക്കുന്നതിനും ഉത്തമമാണ്.
2) നാരുകളാൽ സമ്പന്നമാണ് ചാമ്പയ്ക്ക. അതുകൊണ്ട് തന്നെ ദഹനം നല്ലതീതിയിൽ നടക്കുന്നതിനും മലബന്ധം അകറ്റാനും സഹായിക്കുന്നു.
3) ശരീരഭാരം കുറയ്ക്കാൻ ആഗ്രഹിക്കുന്നവർക്കും ചാമ്പയ്ക്ക സഹായകമാകും. വെള്ളത്തിൽ ലയിക്കുന്ന പൊളിസാക്രറൈഡുകൾ ഇതിൽ അടങ്ങിയിട്ടുണ്ട്. അതിനാൽ കോശ വളർച്ച തടഞ്ഞ് ശരീരഭാരം കുറയ്ക്കുന്നു.
4) രക്തത്തിലെ പഞ്ചസാരയുടെ അളവിനെ നിയന്ത്രിക്കുന്നു. ജാംബോസിൻ അടങ്ങിയിരിക്കുന്നതിനാൽ പ്രമേഹത്തെ നിയന്ത്രിക്കുന്നു. ഇതുമൂലമുണ്ടാകുന്ന പാൻക്രിയിന്റെ അമിത പ്രവർത്തനങ്ങളെ തടയാനും ചാമ്പയ്ക്ക സഹായിക്കുന്നു.
5)ഹൃദയാരോഗ്യത്തിന് മികച്ചതാണ് ചാമ്പയ്ക്ക. പൊട്ടാസ്യത്തിന്റെ കേന്ദ്രനമായതിനാൽ ഹൃദ്രോഗങ്ങളെ തടയുന്നു. രക്തസമ്മർദ്ദം കൃത്യമാക്കാനും സഹായിക്കുന്നു.
6)വൈറ്റമിൻ സി അടങ്ങിയ ചാമ്പയ്ക്ക പ്രതിരോധ ശേഷി വർദ്ധിപ്പിക്കുന്നു. കാൽസ്യം അണുബാധകളിൽ നിന്ന് സംരക്ഷിക്കുന്നു.
7) കരളിൽ അടഞ്ഞിരിക്കുന്ന വിഷം പുറന്തള്ളാൻ ചാമ്പയ്ക്ക സഹായിക്കുന്നു. ഇതുവഴി കരൾ രോഗ സാധ്യത കുറയ്ക്കുന്നു.
8) മോണയും പല്ലുകളും ആരോഗ്യത്തോടെ ഇരിക്കാനും ചാമ്പയ്ക്ക സഹായിക്കുന്നു.
9) വൈറ്റമിൻ സി, എ എന്നിവ ക്യാൻസറിനുള്ള സാധ്യതകളെ കുറയ്ക്കുന്നു.. ക്യാൻസർ കോശങ്ങളെ പുനരുജ്ജീവിപ്പിക്കുന്നതിന് ഇത് സഹായിക്കുന്നു.
10) ചാമ്പയ്ക്ക മാത്രമല്ല, ചാമ്പക്കുരുവും ആരോഗ്യത്തിന് നല്ലതാണ്. തിമിരം, ആസ്തമ പോലുള്ള രോഗങ്ങൾ ശമിക്കുന്നതിനായി ചാമ്പക്കുരു ഉണക്കി പൊടിച്ച് കഴിക്കാവുന്നതാണ്. ചാമ്പയ്ക്കയുടെ പൂക്കൾ പനി കുറയ്ക്കാനും സഹായിക്കുന്നു.
