ഗണേശോത്സവ സമയത്ത് സങ്കടനാശന ഗണേശസ്തോത്രം ജപിച്ചാൽ അദ്‌ഭുത ഫലസിദ്ധി

ദേവ൪ഷി നാരദ മുനി രചിച്ച ശ്രീ ഗണപതി ഭഗവാന്‍റെ സങ്കടനാശന സ്തോത്രം വളരെ ലളിതവും എന്നാൽ ശക്തിയുള്ളതുമായ സ്തോത്രമാണ്. ഇതിൽ ഭഗവാന്റെ പന്ത്രണ്ട് നാമങ്ങൾ പ്രതിപാദിക്കുന്നു . ഈ സ്തോത്രം വ്രതനിഷ്ഠയോടെ രാവിലെയും ഉച്ചയ്‌ക്കും സന്ധ്യക്കും ചൊല്ലിയാൽ ഇച്ഛിക്കുന്ന ഫലം ലഭിക്കും. നിശ്ചിത എണ്ണം ദിവസങ്ങൾ ചൊല്ലണം.

‘സ്തൂയതേ അനേന ഇതി’, അതായത് ഭഗവാനെ സ്തുതിക്കുന്നതെന്തോ അതാണ് സ്തോത്രം. സ്തോത്രം ചൊല്ലുന്ന വ്യക്തിക്കു ചുറ്റും ഒരു സൂക്ഷ്മ സംരക്ഷണ കവചം സൃഷ്ടിക്കപ്പെടും. ഈ സംരക്ഷണം കവചം ആ വ്യക്തിയെ ദുഷ്ട ശക്തികളിൽനിന്നും സംരക്ഷിക്കും. ഒരു പ്രത്യേക ലയത്തിൽ സ്തോത്രം ചൊല്ലുമ്പോൾ അതിൽനിന്നും ഒരു പ്രത്യേക ചൈതന്യയുക്തമായ ശക്തി നി൪മിക്കപ്പെടുന്നു. ആയതിനാൽ സ്തോത്രം ഒരു പ്രത്യേക ലയത്തിൽ ഭക്തിയോടെ ചൊല്ലേണ്ടതാണ്.

ഗണേശ സങ്കടനാശന സ്തോത്രം
ഓം ഗം ഗണപതയെ നമഃ
പ്രണമ്യ ശിരസാ ദേവം ഗൗരീപുത്രം വിനായകം .
ഭക്താവാസം സ്മരേന്നിത്യമായുഃകാമാർഥസിദ്ധയേ .. 1..

പ്രഥമം വക്രതുണ്ഡം ച ഏകദന്തം ദ്വിതീയകം .
തൃതീയം കൃഷ്ണപിംഗാക്ഷം ഗജവക്ത്രം ചതുർഥകം .. 2..

ലംബോദരം പഞ്ചമം ച ഷഷ്ഠം വികടമേവ ച .
സപ്തമം വിഘ്നരാജേന്ദ്രം ധൂമ്രവർണം തഥാഷ്ടമം .. 3..

നവമം ഭാലചന്ദ്രം ച ദശമം തു വിനായകം .
ഏകാദശം ഗണപതിം ദ്വാദശം തു ഗജാനനം .. 4..

ദ്വാദശൈതാനി നാമാനി ത്രിസന്ധ്യം യഃ പഠേന്നരഃ .
ന ച വിഘ്നഭയം തസ്യ സർവസിദ്ധികരഃ പ്രഭുഃ .. 5..

ഫലശ്രുതി

വിദ്യാർത്ഥീ ലഭതേ വിദ്യാം ധനാർഥീ ലഭതേ ധനം .
പുത്രാർത്ഥീ ലഭതേ പുത്രാന്മോക്ഷാർഥീ ലഭതേ ഗതിം .. 6..

ജപേദ്ഗണപതിസ്തോത്രം ഷഡ്ഭിർമാസൈഃ ഫലം ലഭേത് .
സംവത്സരേണ സിദ്ധിം ച ലഭതേ നാത്ര സംശയഃ .. 7..

അഷ്ടഭ്യോ ബ്രാഹ്മണേഭ്യശ്ച ലിഖിത്വാ യഃ സമർപയേത് .
തസ്യ വിദ്യാ ഭവേത്സർവാ ഗണേശസ്യ പ്രസാദതഃ .. 8..

സ്തോത്രത്തിന്റെ സാമാന്യ / ഏകദേശ അർഥം:

ഗണേശ ഭഗവാന് വന്ദനം.നാരദൻ പറഞ്ഞു, ” ദീർഘായുസ്സിനും ആഗ്രഹങ്ങൾക്കും സമ്പത്തിനും വേണ്ടി തന്റെ ഭക്തരുടെ അഭയമായ പാർവതി ദേവിയുടെ പുത്രനായ വിനായകനെ അവൻ (ഭക്തൻ) മനസ്സിൽ നിരന്തരം ആരാധിക്കട്ടെ,

ആദ്യം, വളഞ്ഞ തുമ്പിക്കൈ ഉള്ളവനെപ്പോലെ;
രണ്ടാമതായി, ഒറ്റക്കൊമ്പുള്ളവനെപ്പോലെ.
മൂന്നാമതായി, ഇരുണ്ട തവിട്ട് കണ്ണുകളുള്ളവനെപ്പോലെ;
നാലാമതായി, ആനയുടെ വായുള്ളവനായി.
അഞ്ചാമതായി, പാത്രം പോലെ വയറുള്ളവനെപ്പോലെ;
ആറാമത്, വിചിത്രമായ ഒന്നായി.
ഏഴാമതായി, പ്രതിബന്ധങ്ങളുടെ രാജാവായി;
എട്ടാമതായി, പുകയുടെ നിറമുള്ളത് പോലെ.
ഒമ്പതാമതായി, ചന്ദ്രനെപ്പോലെ;
പത്താമതായി, തടസ്സങ്ങൾ നീക്കുന്നവനായി.
പതിനൊന്നാമതായി, എല്ലാവരുടെയും നാഥനായി,
പന്ത്രണ്ടാമതായി, ആന മുഖമുള്ളവനായി.

പ്രഭാതത്തിലും ഉച്ചയിലും സൂര്യാസ്തമയത്തിലും ഈ പന്ത്രണ്ട് നാമങ്ങൾ ആവർത്തിക്കുന്നവൻ പരാജയത്തെ ഭയപ്പെടുന്നില്ല, കാരണം സ്ഥിരമായ ഭാഗ്യം അവന്റെ കൂടെ ഉണ്ടാകും, ജ്ഞാനം ആഗ്രഹിക്കുന്നവൻ ജ്ഞാനം പ്രാപിക്കുന്നു; സമ്പത്ത് ആഗ്രഹിക്കുന്നവൻ സമ്പത്ത് നേടുന്നു. പുത്രന്മാരെ ആഗ്രഹിക്കുന്നവൻ പുത്രന്മാരെ പ്രാപിക്കുന്നു; മുക്തി ആഗ്രഹിക്കുന്നവൻ മുക്തി നേടുന്നു. ഈ സ്തുതി ചൊല്ലുന്നവനിൽ ആറു മാസം കൊണ്ട് ഭഗവാൻ എത്തുന്നു. ഒരു വർഷത്തിനുള്ളിൽ അവൻ പൂർണതയിൽ എത്തുന്നു, ഇതിൽ യാതൊരു സംശയവുമില്ല. ആരെങ്കിലും ഇതിന്റെ കോപ്പി ഉണ്ടാക്കി എട്ട് ബ്രാഹ്മണർക്ക് വിതരണം ചെയ്യുന്നു വെങ്കിൽ, അവൻ ഗണപതിയുടെ കൃപ കാരണം.ഉടനടി ജ്ഞാനത്തിൽ എത്തുന്നു (എല്ലാ അറിവും അവനായിരിക്കും),

ഗണേശോത്സവ സമയത്തു വൃത ശുദ്ധിയോടെ ത്രിസന്ധ്യകളിലും ഈ നാമം ചൊല്ലിയാൽ തീരാത്ത സങ്കടങ്ങൾ ഇല്ല എന്നാണ് വിശ്വാസം.

ജയറാണി ഈ വി .

WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു).

Sankata Nasana Ganapathy Stotram