പാരീസ് നല്‍കിയത് വേദനകള്‍ മാത്രം..! ബാഴ്‌സ വിടാന്‍ ആഗ്രഹിച്ചിരുന്നില്ല, ഇപ്പോള്‍ സന്തോഷം അറിയുന്നു: വെളിപ്പെടുത്തലുമായി മെസി

പാരീസ് വിട്ട് അമേരിക്കയിലെത്തിയ മെസി ഏറെ സന്തോഷവാനാണെന്ന് അദ്ദേഹത്തിന്റെ ഓരോ പ്രകടനങ്ങളും തെളിയിക്കുന്നു. കളിച്ച ആറു മത്സരങ്ങളിലും ഗോളടിച്ചു ടീമിനെ വിജയത്തിലെത്തിച്ചും അത് താരം പുറംലോകത്തെ അറിയിച്ചു. ആറ് മത്സരങ്ങളിലും ഗോളടിച്ച മെസി ഒമ്പത് ഗോളുകള്‍ ഇതുവരെ ക്ലബിനായി നേടി. പുതിയ ക്ലബിലെത്തിയ ശേഷം തന്റെ ക്ലബ് മാറ്റത്തെക്കുറിച്ചും പരീസിലെ അനുഭവങ്ങളക്കുറിച്ചു മെസി തുറന്നു പറഞ്ഞു.

തനിക്ക് ഇപ്പോള്‍ സന്തോഷം തിരികെ ലഭിച്ചു. ഇന്റര്‍ മിയാമിയിലേക്കുള്ള തന്റെ നീക്കം ബാഴ്സലോണയില്‍ നിന്ന് പാരീസ് സെന്റ് ജെര്‍മെയ്നിലേക്കുള്ള തന്റെ നീക്കത്തിന്റെ നേരെ വിപരീതമായിരുന്നു.ബാഴ്‌സലോണ വിടാന്‍ താന്‍ ആഗ്രഹിച്ചിരുന്നില്ല. പിഎസ്ജിയിലേക്കുള്ള നീക്കം പ്രയാസകരമായിരുന്നു. എനിക്കും കുടുംബത്തിനും വേദനകള്‍ മാത്രമാണ് ലഭിച്ചതെന്നും അദ്ദേഹം പറഞ്ഞു.

”അന്ന് ഞാന്‍ പറഞ്ഞതുപോലെ, പാരീസിലേക്കുള്ള എന്റെ യാത്ര ഞാന്‍ ആഗ്രഹിച്ച ഒന്നായിരുന്നില്ല, ബാഴ്സലോണ വിടാന്‍ ഞാന്‍ ആഗ്രഹിച്ചതായിരുന്നില്ല. മിയാമിയിലേക്കുള്ള വരവ് മുതല്‍ എനിക്ക് സ്‌നേഹം ലഭിക്കുന്നു, ഇവിടെ ലഭിച്ച സ്വീകരണം ശ്രദ്ധേയമായിരുന്നു, ഇത് ധാരാളം ലാറ്റിനോകളുള്ള ഒരു നഗരമാണ്, അത് എനിക്കും കുടുംബത്തിനും എല്ലാം വളരെ എളുപ്പമാക്കുന്നു,” -മെസി പറഞ്ഞു.

”പിഎസ്ജിയിലേക്കുള്ള യാത്ര ഒരുരാത്രികൊണ്ട് എടുത്ത തീരുമാനമായിരുന്നു.എന്നാല്‍ മിയാമിയിലേക്കുള്ള വരവ് ഒരു രാത്രി കൊണ്ട് തീരുമാനിച്ചതല്ല. നന്നായി ആലോചിച്ച് എടുത്തതാണ്. അതിനാല്‍ ഇപ്പോള്‍ എനിക്ക് സന്തോഷമുണ്ട്”.

”ക്ലബ് ഇപ്പോള്‍ വളര്‍ച്ചയുടെ പാതയിലാണ്. അവര്‍ വലിയ നിക്ഷേപം നടത്തുന്നു. ആരാധകര്‍ ഇന്ററിന്റെ മത്സരങ്ങള്‍ക്ക് എത്തുന്നതും നമ്മളെ സപ്പോര്‍ട്ട് ചെയ്യുന്നതും മനോഹരമാണ്. സ്‌റ്റേഡിയം ഏപ്പോഴും നിറയുന്നു. ഇതൊരു പുതിയ ക്ലബാണ് മൂന്ന് വര്‍ഷം മുന്‍പാണ് സ്ഥാപിച്ചത്. ആദ്യ കിരീടം നേടാനായാല്‍ അതൊരു മനോഹര മൂഹൂര്‍ത്തമാകും”.

“Hoy te puedo decir que estoy muy feliz por la decisión que tomamos.”

Leo Messi on his decision to join the club and on how he is enjoying the city and this new experience. pic.twitter.com/n2lvKpLNSj

— Inter Miami CF (@InterMiamiCF) August 17, 2023

“>