തെന്നിന്ത്യയുടെ പ്രിയതാരമാണ് പ്രഭാസ്. ബാഹുബലി എന്ന ഒറ്റ ചിത്രത്തിലൂടെ വലിയൊരു ആരാധകവൃന്ദം തന്നെ പ്രഭാസ് സ്വന്തമാക്കിയിരുന്നു. തെന്നിന്ത്യയിൽ മാത്രമല്ല ബോളിവുഡിലും താരത്തിന് വലിയൊരു ഫാൻബേസ് ഉണ്ട്. ഇപ്പോഴിതാ നടൻ പ്രഭാസ് സിനിമയിൽ നിന്ന് ചെറിയൊരു ഇടവേള എടുക്കുന്നു എന്ന തരത്തിലുള്ള വാർത്തകളാണ് പുറത്തു വരുന്നത്.
കാൽമുട്ടിന്റെ സർജറിക്കായാണ് താരം സിനിമയിൽ നിന്ന് അവധിയെടുക്കുന്നത് എന്നാണ് വാർത്തകൾ. ഡോക്ടർമാരുടെ നിർദ്ദേശപ്രകാരമാണ് പെട്ടെന്ന് സർജറി നടത്തുന്നതെന്നും റിപ്പോർട്ടുണ്ട്. സർജറിയെ കുറിച്ചുള്ള വാർത്തകൾ പുറത്ത് വന്നതിന് പിന്നാലെ ഇത് സംബന്ധിച്ച വാർത്തകളാണ് സമൂഹ മാദ്ധ്യമങ്ങളിൽ നിറയുന്നത്.
നിരവധി ബിഗ് ബജറ്റ് ചിത്രങ്ങളാണ് താരത്തിന്റേതായി പ്രാഖ്യാപിച്ചിരിക്കുന്നത്. പുറത്തു വരാനിരിക്കുന്നതും രണ്ട് ബിഗ് ബജറ്റ് ചിത്രങ്ങളാണ്. പ്രശാന്ത് നീൽ സംവിധാനം ചെയ്യുന്ന സലാറാണ് ഒരു ചിത്രം. തെന്നിന്ത്യയിലേയും ബോളിവുഡിലേയും മുൻ നിര താരങ്ങൾ അണിനിരക്കുന്ന കൽക്കിയാണ് മറ്റൊരു ചിത്രം.
