മുന്‍നിരയില്‍ കയറി നടന്നു…! പ്രവര്‍ത്തകനെ കോളറില്‍ തൂക്കി പിന്നിലേക്ക് വലിച്ചിട്ട് കരണത്തടിച്ച് മന്ത്രി

ഹൈദ്രാബാദ്‌: പ്രവര്‍ത്തകന്റെ കരണത്തടിക്കുന്ന മന്ത്രിയുടെ വീഡിയോ വൈറലായി. ബി.ആര്‍.എസ് നേതാവും തെലങ്കാനയിലെ മൃഗസംരക്ഷണ വകുപ്പ് മന്ത്രിയുമായ തലസാനി ശ്രീനിവാസ് യാദവ് ആണ് പൊതുനിരത്തില്‍ പ്രവര്‍ത്തകനെ തല്ലിയത്. ഒരു ഉദ്ഘാടന ചടങ്ങിനിടെ വലിയ ആള്‍കൂട്ടത്തിന് നടുവിലായിരുന്നു സംഭവം. വീഡിയോ പുറത്തെത്തിയതോടെ മന്ത്രിക്കെതിരെ വ്യാപക വിമര്‍ശനമാണ് ഉയരുന്നത്.

ആര്‍ടിസി ക്രോസ് റോഡിലായിരുന്നു സംഭവം. ഭാരത് രാഷ്‌ട്ര സമിതി(ബി.ആര്‍.എസ്) നേതാവും ഐ.ടി മന്ത്രിയുമായ കെ.ടി രാമറാവുവിന്റെ സാന്നിദ്ധ്യത്തിലാണ് പ്രവര്‍ത്തകനെ സ്വന്തം സര്‍ക്കാരിലെ മന്ത്രി തന്നെ തല്ലുന്നത്. രാമറാവു ഇത് നോക്കി നില്‍ക്കുന്നുമുണ്ട്.

ഉദ്ഘാടന ചടങ്ങിനിടെ തന്നെ മറികടന്ന് മന്ത്രി കെ.ടി രാമറാവുവിന്റെ അടുത്തേക്ക് പ്രവര്‍ത്തകന്‍ പോയതാണ് ശ്രീനിവാസയെ ചൊടിപ്പിച്ചത്. പ്രവര്‍ത്തകന്റെ കോളറില്‍ പിടിച്ച് പിന്നിലേക്ക് വലിച്ചിട്ട ശേഷം ഇടതു കൈകൊണ്ട് മുഖത്തടിക്കുകയായിരുന്നു.പിന്നാലെ അസഭ്യവും വിളിച്ചു. വീഡിയോ പുറത്തുവന്നതോടെ മന്ത്രിക്കെതിരെ നടപടി സ്വീകരിക്കണമെന്ന് ആവശ്യമുയര്‍ന്നു.

Minister Talasani Srinivas Create the Atmosphere In a very Rude Manner… He Slapped Tightly Because the Man Was Going in A Front Row Nearer to Ktr.. How can he Cross the path.. #KTR #TalasaniSrinivas #BRS pic.twitter.com/9mamWAWTfN

— BJP Telangana (@BJP_TELANGANA01) August 20, 2023

“>