ഓണം എന്ന് കേട്ടാൽ പിന്നെ ഓണപൂക്കളം, സദ്യ, പായസം ഓക്കെ മനസിലെത്തും. പായസമെന്ന് കേട്ടാലോ പാലടയും പ്രഥമനും പരിപ്പുമൊക്കെയാണ് സാധാരണം. എന്നാൽ ഇത്തരി വെറൈറ്റിയായി പച്ചരിയും കദളിപ്പഴവും ചേർത്ത് സ്വദൂറും ഇടിച്ചുപിഴിഞ്ഞ പായസം തയ്യാറാക്കാം.
ചേരുവകൾ
പച്ചരിയോ അല്ലെങ്കിൽ ഉണക്കലരി- അര കിലോ
ശർക്കര- ഒരു കിലോ
തേങ്ങ-മൂന്ന്
കദളിപ്പഴം-രണ്ടെണ്ണം
ഏലക്കാപ്പൊടി- രണ്ട് സ്പൂൺ
ഉപ്പ്-ആവശ്യത്തിന്
ജീരകം,ഏലയ്ക്ക- ആവശ്യത്തിന്
തയ്യാറാക്കുന്ന വിധം:-
ഒന്നാം പാൽ, രണ്ടാം പാൽ, മൂന്നാം പാൽ എന്നിവ എടുക്കുക. കഴുകി വൃത്തിയാക്കിയ അരി മൂന്നാം പാലിലൽ വേവിക്കുക. അരി വെന്തുവരുമ്പോൾ ശർക്കര പാനിയാക്കി ഒഴിക്കുക. ഇതിലേക്ക് രണ്ടാം പാൽ ഒഴിക്കുക. ശർക്കരയുടെ പച്ചമണം വമാറും വരെ തിളപ്പിക്കുക.
ഇത് തിളച്ച് കഴിയുമ്പോൾ പൊടിച്ച കൽക്കണ്ടമോ പഞ്ചസാരയോ ചേർത്ത് കൊടുക്കാവുന്നതാണ്. തീ കുറച്ച് ഒന്നാം പാൽ ചേർത്ത് കൊടുക്കുക. ഇതിന് പിന്നാലെ കദളിപ്പഴം അരിഞ്ഞ് ചേർക്കുക. ആവശ്യത്തിന് ഏലയ്ക്കപ്പൊടി ചേർത്തിളക്കുക. ഞെടിയിടയിൽ സ്വാദൂറും ഇടിച്ചുപിഴിഞ്ഞ പായസം തയ്യാർ.
