ന്യൂഡൽഹി: രാജ്യത്തെ സായുധ സേനയുടെ പ്രവർത്തനശേഷി വർദ്ധിപ്പിക്കുന്നതിന് 7800 കോടി രൂപ അനുവദിച്ച് ഡിഫൻസ് അക്വിസിഷൻ കൗൺസിൽ. പ്രതിരോധ മന്ത്രാലയമാണ് ഇക്കാര്യം അറിയിച്ചത്. പ്രതിരോധ മന്ത്രി രാജ്നാഥ് സിംഗിന്റെ അദ്ധ്യക്ഷതയിൽ നടന്ന യോഗത്തിലാണ് അന്തിമ തീരുമാനമുണ്ടായത്.
ഇന്ത്യൻ-ഐഡിഡിഎം വിഭാഗത്തിന് കീഴിലുള്ള ഹെലികോപ്റ്ററുകൾക്ക് ഇലക്ട്രോണിക് വാർഫെയർ സ്യൂട്ട് വാങ്ങുന്നതിനാണ് തുക അനുവദിച്ചിട്ടുള്ളത്. വ്യോമസേനയുടെ കാര്യക്ഷമത വർദ്ധിപ്പിക്കുന്നതിനും പ്രതികൂല സാഹചര്യങ്ങളിൽ ശക്തമായി നേരിടുന്നതിനും ഇത് സഹായകമാകും. ഹെലികോപ്റ്ററുകളുടെ പ്രവർത്തനങ്ങൾക്ക് കൂടുതൽ കൃത്യതയും വേഗതയും നൽകും.
ഭാരത് ഇലക്ട്രോണിക്സ് ലിമിറ്റഡിൽ നിന്നാണ് ഇലക്ട്രോണിക് വാർഫെയർ സ്യൂട്ട് വാങ്ങുക. യുദ്ധ രംഗത്തേക്ക് ആയുധങ്ങൾ, ഇന്ധനം, സ്പെയർ പാർട്സ് എന്നിവ എത്തിക്കാനും ഇവാക്വേഷൻ നടത്താനുമുള്ള നൂതന സാങ്കേതിവിദ്യകൾക്കുമായി പണം അനുവദിക്കുമെന്ന് ഡിഎസി അറിയിച്ചിട്ടുണ്ട്. പ്രോജക്ട് ശക്തിയുടെ ഭാഗമായി ഇന്ത്യൻ സൈന്യത്തിന് ലാപ്ടോപ്, ടാബ്ലെറ്റ്് തുടങ്ങിയ ഇലക്രോണിക് ഉപകരണങ്ങൾ വാങ്ങുന്നതിനായും ഫണ്ട് അനുവദിച്ചു.
Comments