ആരാധകർ ഏറെ കാത്തിരിക്കുന്ന പാൻ ഇന്ത്യൻ ചിത്രമാണ് വൃഷഭ. ചിത്രത്തിലെ തന്റെ ലുക്ക് മോഹൻലാൽ നേരത്തെ പങ്കുവെച്ചിരുന്നു. കയ്യിൽ വാളേന്തിയ യോദ്ധാവായാണ് മോഹൻലാൽ ചിത്രത്തിലുള്ളത്. ഇപ്പോഴിതാ ക്യാരക്ടര് കണ്സെപ്റ്റ് ആര്ട്ടിസ്റ്റായ സേതു ശിവാനന്ദൻ തയ്യാറാക്കിയ പുതിയൊരു ക്യാരക്റ്റര് സ്കെച്ചാണ് ശ്രദ്ധയാകര്ഷിക്കുന്നത്. ‘വൃഷഭ’ എന്ന ചിത്രത്തിലെ മോഹൻലാലിന്റെ ക്യാരക്ടര് ലുക്കാണ് സേതു ശിവാനന്ദന്റെ സൃഷ്ടിയിൽ പിറന്നിരിക്കുന്നത്. മലയാളം സിനിമകള്ക്കായി സേതു തയ്യാറാക്കിയ നടീ നടൻമാരുടെ ലുക്കുകള് മുമ്പും പ്രേക്ഷകര് ഏറ്റെടുത്തിട്ടുണ്ട്.
ഈ പാൻ ഇന്ത്യൻ ചിത്രത്തിന്റെ സംവിധാനം നന്ദകിഷോറാണ്. വൈകാരികത കൊണ്ടും വിഎഫ്എക്സ് കൊണ്ടും മികച്ച ദൃശ്യാനുഭവം നൽകുന്ന ചിത്രമായിരിക്കും വൃഷഭ എന്നാണ് അണിയറ പ്രവർത്തകർ നൽകുന്ന വിവരം. 200 കോടി ബജറ്റിൽ ഒരുങ്ങുന്ന ചിത്രം മലയാളത്തിലും തെലുങ്കിലുമാണ് നിർമ്മിക്കുന്നത്. തമിഴ്, കന്നഡ, ഹിന്ദി ഭാഷകളിലും ചിത്രം മൊഴിമാറ്റം ചെയ്യപ്പെടും. വരും വർഷമാകും ചിത്രത്തിന്റെ റിലീസെന്നാണ് വിവരം.
ഏകതാ കപൂറിന്റെ ബലാജി ഫിലിംസ്, കണക്ട് മീഡിയ, എ.വി.എസ് സ്റ്റുഡിയോ എന്നിവയുടെ സഹകരണത്തിലാണ് ചിത്രമൊരുങ്ങുന്നത്. സഹ്റ എസ് ഖാൻ നായികയായി എത്തുന്ന ആദ്യ പാൻ ഇന്ത്യ ചിത്രമെന്ന സവിശേഷതയും ചിത്രത്തിനുണ്ട്. മോഹൻലാലിന്റ മകനായി തെലുങ്ക് നടൻ റോഷൻ മെകയും എത്തുന്നു. അച്ഛനും മകനും തമ്മിലുള്ള സ്നേഹബന്ധത്തിന്റെയും പ്രതികാരത്തിന്റെയും കഥയാണ് ചിത്രം പറയുന്നത്.
Comments