സിബി പടിയറയുടെ സംവിധാനത്തിലൊരുങ്ങുന്ന ‘മുകൾപ്പരപ്പ്’ എന്ന ചിത്രത്തിന്റെ ട്രെയിലർ പുറത്തിറങ്ങി. തെയ്യങ്ങളുടെ പശ്ചാത്തലത്തിൽ കഥപറയുന്ന ചിത്രത്തിന്റെ ആകാംഷ നിറച്ച ട്രെയിലറാണ് അണിയറ പ്രവർത്തകർ പുറത്തുവിട്ടിരിക്കുന്നത്. ചിത്രം സെപ്തംബർ ഒന്നിന് തിയേറ്ററുകളിൽ എത്തും.
തിങ്കളാഴ്ച നിശ്ചയം എന്ന ചിത്രത്തിന് ശേഷം സുനിൽ സൂര്യ പ്രധാന വേഷത്തിൽ എത്തുന്ന ചിത്രത്തിൽ അപർണ ജനാർദ്ദനാണ് നായികയായെത്തുന്നത്. പ്രമുഖ താരങ്ങൾക്കൊപ്പം നിരവധി പുതുമുഖങ്ങളും അണിനിരക്കുന്ന ചിത്രമാണ് മുകൾപ്പരപ്പ്. സംഗീതത്തിനും പ്രണയത്തിനും നർമ്മത്തിനും പ്രാധാന്യം നൽകുന്ന ചിത്രമാണിത്.
ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, ഊർമിള ഉണ്ണി, ചന്ദ്രദാസൻ ലോകധർമ്മി, ബിന്ദു കൃഷ്ണ, രജിത മധു , എന്നിവർക്കൊപ്പം നൂറോളം പുതുമുഖങ്ങളാണ് ചിത്രത്തിലെത്തുന്നത്. കൂടാതെ നിരവധി തെയ്യം കലാകാരൻമാരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. പ്രമോദ് സാരംഗ്, ജോജി തോമസാണ് ചിത്രത്തിന്റെ സംഗീതം നിർവഹിക്കുന്നത്.
