മുംബൈ ; തന്റെ നഗ്നചിത്രങ്ങൾ വിറ്റതിന് ഭർത്താവ് ആദിൽ ഖാൻ ദുറാനിയ്ക്കെതിരെ ആരോപണം ഉന്നയിച്ചതിന് പിന്നാലെ ആദ്യ ഉംറ നിർവഹിക്കാൻ മക്കയിലെത്തി രാഖി സാവന്ത്.ബുർഖ ധരിച്ച രാഖി സാവന്തിന്റെ വീഡിയോകളും പുറത്ത് വന്നു . ആരാധകർക്കൊപ്പം രാഖി ചിത്രങ്ങൾക്ക് പോസ് ചെയ്യുന്നതും ഇതിൽ കാണാം. ഇതിനിടെ രാഖി എന്ന് വിളിച്ച ആരാധകനോട്, തന്റെ പേര് ഫാത്തിമ എന്നാണെന്നും രാഖി എന്ന് വിളിക്കരുതെന്നും പറയുന്നുണ്ട് .
“ഇന്ന് ആദ്യമായി ഉംറ ചെയ്യാൻ പോകുന്നു ഞാൻ വളരെ ഭാഗ്യവതിയാണ് . എനിക്ക് വളരെ സന്തോഷമുണ്ട്. നിങ്ങൾ എല്ലാവരും എന്നെ നിങ്ങളുടെ പ്രാർത്ഥനയിൽ സൂക്ഷിക്കുക, ഞാൻ നിങ്ങൾക്കെല്ലാവർക്കും വേണ്ടി പ്രാർത്ഥിക്കും. മക്കയിലേയ്ക്ക് പോകും മുൻപ് ദർഗയിലെത്തി രാഖി പ്രാർത്ഥിച്ചിരുന്നു .കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ രാഖി സാവന്തും ഭർത്താവ് ആദിൽ ഖാൻ ദുറാനിയും തമ്മിലുള്ള ആരോപണ,പ്രത്യാരോപണങ്ങൾ നിറഞ്ഞ് നിൽക്കുകയാണ്.
രാഖി സാവന്തിനെതിരെ പത്രസമ്മേളനത്തിൽ ആദിൽ ഖാൻ നിരവധി ആരോപണങ്ങൾ ഉന്നയിച്ചിട്ടുണ്ട്. തന്റെ നഗ്നചിത്രങ്ങൾ ഭർത്താവ് ആദിൽ ദുബായിൽ വിറ്റതായി രാഖി സാവന്തും ആരോപിച്ചു. ഭർത്താവ് ആദിൽ ഖാൻ ദുറാനിയുമായുള്ള വിവാഹത്തെ തുടർന്നാണ് രാഖി സാവന്ത് ഇസ്ലാം മതം സ്വീകരിച്ചത്.
