തിരുവനന്തപുരം: സംസ്ഥാനത്ത് വീണ്ടും ചൂട് ഉയരുന്നു. രണ്ട് മുതല് അഞ്ചു ഡിഗ്രി വരെ വരെ ചൂട് കൂടുമെന്നും കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ആറ് ജില്ലകൾക്ക് ഉയർന്ന താപനില മുന്നറിയിപ്പുണ്ട്. കൊല്ലം, കോട്ടയം, ആലപ്പുഴ, കണ്ണൂർ, പത്തനംതിട്ട, തിരുവനന്തപുരം ജില്ലകൾക്കാണ് ജാഗ്രതാ നിർദേശം.
കൊല്ലം ജില്ലയിൽ ഉയർന്ന താപനില 36°C വരെയും, കോട്ടയം ജില്ലയിൽ 35°C വരെയും ആലപ്പുഴ, കണ്ണൂർ, പത്തനംതിട്ട ജില്ലകളിൽ 34°C വരെയും, തിരുവനന്തപുരം ജില്ലയിൽ 33°C വരെയും താപനില ഉയരാൻ സാധ്യതയുണ്ട്. വരും ദിവസങ്ങളിലും ഉയര്ന്ന താപനില തുടർന്നേക്കാം. അതിനാല് പൊതുജനങ്ങള് പകല് 11 മുതല് 3 മണി വരെയുള്ള സമയത്ത് ഏറെനേരം നേരിട്ട് വെയിൽ കൊള്ളുന്നത് ഒഴിവാക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്കി.
