ന്യൂഡൽഹി: ബഹിരാകാശത്തിന്റെ അതിർവരമ്പുകൾ ഭേദിക്കുകയാണ് ഇന്ത്യ. സങ്കീർണമായ പല ബഹിരാകാശ ദൗത്യങ്ങൾക്കും പല രാജ്യങ്ങളും നിരന്തരം പരിശ്രമിക്കുമ്പോഴാണ് ഇന്ത്യ നേട്ടങ്ങൾ കൊയ്തെടുക്കുന്നത്. ഇപ്പോഴിതാ പുതിയ വാർത്തയുമായി ലോകരാജ്യങ്ങളെ ഞെട്ടിച്ചിരിക്കുകയാണ് ഭാരതം.
ലോകം ഉറ്റുനോക്കിയ ചന്ദ്രയാൻ3 ദൗത്യം വിജയിച്ചതിന് പിന്നാലെ സൗരദൗത്യത്തിന് ഒരുങ്ങുകയാണ് രാജ്യം. ആദിത്യ എൽ1 സെപ്റ്റംബർ 2ന് വിക്ഷേപിക്കുമെന്നറിയിച്ച ഇസ്രോ ഇത് നേരിട്ട് കാണാൻ ജനങ്ങളെ ശ്രീഹരികോട്ടിയിലേക്ക് ക്ഷണിച്ചിരിക്കുകയാണ്. ട്വിറ്ററിലൂടെയാണ് (എക്സ്) ഈ വിവരം അറിയിച്ചത്. ലോഞ്ച് വ്യൂ ഗ്യാലറിയിലിരുന്ന വിക്ഷേപണം നേരിട്ട് കാണുന്നതിനായുള്ള ബുക്കിംഗ് വിവരങ്ങളും ഐഎസ്ആർഒ പുറത്തുവിട്ടു.
ആദ്യ സൗരദൗത്യം ഉടനുണ്ടാകുമെന്ന് പ്രധാനമന്ത്രിയും ഇസ്രോ ചെയർമാൻ എസ്. സോമനാഥും പറഞ്ഞിരുന്നു. ചന്ദ്രയാൻ 3ന്റെ വിജയത്തിന് ശേഷം കേരളത്തിലെത്തിയ ഇസ്രോ മേധാവി മാദ്ധ്യമങ്ങളെ കണ്ടതിന് പിന്നാലെ സൗരദൗത്യം ഉടൻ ഉണ്ടാകുമെന്നും ഇതിന്റെ തീയതി ഉടൻ പുറത്തെത്തുമെന്നും അറിയിച്ചിരുന്നു.
ലാഞ്ച് വ്യൂ ഗ്യാലറിയിലെത്തി വിക്ഷേപണം കാണാൻ പൊതുജനങ്ങൾ ബുക്ക് ചെയ്യേണ്ട ലിങ്ക്: https://lvg.shar.gov.in/VSCREGISTRATION/index.jsp…
🚀PSLV-C57/🛰️Aditya-L1 Mission:
The launch of Aditya-L1,
the first space-based Indian observatory to study the Sun ☀️, is scheduled for
🗓️September 2, 2023, at
🕛11:50 Hrs. IST from Sriharikota.
Citizens are invited to witness the launch from the Launch View Gallery at… pic.twitter.com/bjhM5mZNrx
— ISRO (@isro) August 28, 2023
