ബോളിവുഡിന്റെ രാജകുമാരനായിരുന്ന സുശാന്ത് സിംഗ് രജ്പൂത്തിന്റെ മരണ വിവരം ഒരു ഞെട്ടലോടെയാണ് രാജ്യം കേട്ടത്. 2020 ജൂൺ 14-നാണ് ചലച്ചിത്ര ലോകത്തെയും ആരാധകരെയും നടുക്കുന്ന ആ ദു;ഖ വാർത്ത കാതുകളിൽ എത്തുന്നത്. സുശാന്ത് സിംഗ് രജ്പൂത്ത് വിട പറഞ്ഞ് മൂന്നു വർഷങ്ങൾ പിന്നിടുമ്പോൾ രക്ഷാബന്ധൻ ദിവസത്തിൽ സഹോദരന്റെ ഓർമ്മകൾ പങ്കുവെച്ചാണ് സുശാന്തിന്റെ സഹോദരി ശ്വേത സിംഗ് കൃതി എത്തിയിരിക്കുന്നത്.
ഓർമ്മകൾ പങ്കിട്ട് ഇൻസ്റ്റഗ്രാമിൽ സഹോദരനുമായുള്ള ചിത്രങ്ങളാണ് ശ്വേത പങ്കുവെച്ചിരിക്കുന്നത്. ‘തന്റെ സഹോദരന്റെ ഭൗതിക ശരീരം ഞങ്ങളെ വിട്ട്പോയെങ്കിലും എന്റെ ഹൃദയത്തിൽ ഇപ്പോഴും അവനുണ്ട്. അവൻ കൂടെ തന്നെയുണ്ട് , അവന്റെ ചിരിയും ശബ്ദങ്ങളും ഇപ്പോഴും എവിടെയോ അലയടിക്കുന്നതു പോലെ എനിക്ക് തോന്നാറുണ്ട്’ സുശാന്തിന്റെ സഹോദരി ഇൻസ്റ്റഗ്രാമിൽ കുറിച്ചു.
View this post on Instagram
“>
സുശാന്തിന്റെ വിയോഗത്തിന്റെ വേദന ഓരോ ദിവസം കഴിയുന്തോറും മനസിൽ ആഴത്തിൽ മുറിവേൽപ്പിക്കുകയാണെന്നും അത് വാക്കുകളാൽ പറഞ്ഞറിയിക്കാൻ സാധിക്കില്ലെന്നും ശ്വേത എഴുതി. അതിനോടൊപ്പം വീണ്ടും ‘മറ്റൊരു വശത്ത്’ നമ്മൾ കണ്ടുമുട്ടുമെന്നും ഈ രക്ഷാബന്ധൻ ദിനത്തിൽ ഞാൻ നിനക്ക് രാഖി കെട്ടി തരുന്നെന്നും ശ്വേത പോസ്റ്റിൽ പറയുന്നു. സുശാന്ത് എവിടെ ഇരുന്നാലും സന്തോഷത്തോടു കൂടി ഇരിക്കണമെന്നു പറഞ്ഞാണ് സഹോദരി തന്റെ വാക്കുകൾ അവസാനിപ്പിച്ചത്.
