കേട്ട വാർത്ത സത്യമല്ല! ‘എമ്പുരാനെ’ക്കുറിച്ചുള്ള അപ്ഡേറ്റ് അറിയിച്ച് പൃഥ്വിരാജ്

മോഹൻലാൽ നായകനായെത്തുന്ന ‘L2 എമ്പുരാൻ’ സംബന്ധിച്ചുള്ള വാർത്തകൾ നിഷേധിച്ച് സംവിധായകൻ കൂടിയായ പൃഥിരാജ് സുകുമാരൻ. ചിത്രത്തിന്റെ പ്രൊമോ ഷൂട്ടുകൾ ഉടൻ നടക്കും എന്ന തരത്തിൽ പുറത്ത് വന്ന വാർത്തകളാണ് നടൻ നിരാകരിച്ചിരിക്കുന്നത്. ഇത് സംബന്ധിച്ചുള്ള കുറിപ്പും താരം സമൂഹമാദ്ധ്യമത്തിൽ പങ്കുവെച്ചു.

സിനിമയുടെ ഷൂട്ടിം​ഗ് അടുത്ത വാരം തുടങ്ങുമെന്ന നിലയിലെ വാർത്തയാണ് പുറത്ത് വന്നത്. ഡൽഹി, കാശ്മീർ എന്നിവിടങ്ങളിലെ നയന മനോഹരമായ സ്ഥലങ്ങളിൽ ‘L2 എമ്പുരാൻ’ ഷൂട്ടിംഗ് നടക്കും എന്നാതായിരുന്നു പുറത്തവന്ന വാർത്തകളിലെ ഉള്ളടക്കം. ചില ​ദേശീയമാദ്ധ്യമങ്ങളിലൂടെ ആയിരുന്നു ഇത്തരത്തിലുള്ള റിപ്പോർട്ടുകൾ ആദ്യം പുറത്തുവിട്ടത്.

ഈ വാർത്ത നിഷേധിച്ച് കൊണ്ടാണ് താരം പ്രതികരിച്ചിരിക്കുന്നത്. ‘വാർത്ത എവിടെ നിന്നും ഉണ്ടായി എന്നറിയില്ല. പക്ഷേ ‘L2 എമ്പുരാന്’ പ്രോമോയോ പ്രോമോ ഷൂട്ടോ ഉണ്ടാവില്ല. ഈ മാസം സിനിമയ്‌ക്കായി എന്തെങ്കിലും ചെയ്യണം എന്ന് ഞങ്ങൾ പ്രതീക്ഷിക്കുന്നു. ഷൂട്ടിംഗ് തുടങ്ങാൻ പോകുന്ന തിയതിയും, മറ്റു ചില വിവരങ്ങളും പുറത്തുവിടണം എന്ന് കരുതുന്നു.’- എന്നായിരുന്നു താരം കുറിച്ചത്.

Not too sure where the news is from, but #L2E #Empuraan will have no “promo” or a “promo shoot” per se. We are just planning to put out something, sometime this month, to announce the start of shoot date and a few other details on the project. Thank you. 😊🙏

— Prithviraj Sukumaran (@PrithviOfficial) September 2, 2023

പൃഥിരാജ് തന്റെ ഏറ്റവും പുതിയ ചിത്രമായ ‘വിലായത്ത് ബുദ്ധ’യുടെ ഷൂട്ടിങ്ങിനിടെ ഉണ്ടായ അപകടത്തെ തുടർന്ന് വിശ്രമത്തിലായിരുന്നു. നിലവിൽ ആരോ​ഗ്യം വീണ്ടെടുത്തു വരികയാണ്.