താനെ: ഒറ്റനില ഫ്‌ളാറ്റ് തകര്‍ന്നു വീണ് നവജാത ശിശുവടക്കം രണ്ടുപേര്‍ മരിച്ചു. അഞ്ചുപേര്‍ക്ക് പരിക്കേറ്റു. മഹാരാഷ്‌ട്രയിലെ താനയിലെ ബിവാന്‍ഡിയാണ് നടുക്കുന്ന ദുരന്തം. ഇന്ന് പുലര്‍ച്ചെയോടെയാണ് ആറ് കുടുംബങ്ങള്‍ താമസിക്കുന്ന കെട്ടിടം തകര്‍ന്നത്.ദുരന്തനിവാരണ സേനയും ഫയര്‍ഫോഴ്‌സുമാണ് രക്ഷാപ്രവര്‍ത്തനം നടത്തിയത്.
ധോബിയിലെ ദുര്‍ഗാ റോഡിലാണ് കെട്ടിടമുള്ളത്. ആള്‍ക്കാര്‍ ഉറങ്ങുന്നതിനിടെയായിരുന്നു കെട്ടിടം നിലംപൊത്തിയത്. ഏഴോളം പേരെയാണ് ജീവനോടെ പുറത്തെടുക്കാനായത്. യുവതിയും എട്ടുമാസം പ്രായമായ കുഞ്ഞുമാണ് മരണത്തിന് കീഴടങ്ങിയത്. ഉസ്മ ആത്തിഫ് മോമിന്‍(40) തസ്ലിമ മൊസര്‍ മോമിന്‍ എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. ഇവര്‍ അമ്മയും മകളും ആണെന്നാണ് സൂചന.
പരിക്കേറ്റവരെ പ്രദേശത്തെ ആശുപത്രിയില്‍ പ്രവേശിപ്പിച്ചു. ഇവര്‍ അപകടനില തരണം ചെയ്തുവെന്ന് ആശുപത്രി അധികൃതര്‍ അറിയിച്ചു. കെട്ടിടത്തിന് എത്രവര്‍ഷം പഴക്കമുണ്ടെന്ന കാര്യം വ്യക്തമല്ല.
#WATCH | Thane, Maharashtra: A two-storey building collapsed in Bhiwandi. Fire Department officer Rajesh Pawar says, “Six people were stuck in the building. We rescued four people. Two people are in a critical state.” pic.twitter.com/Mhwt5sV2gT
— ANI (@ANI) September 3, 2023
“>
