ബെംഗളൂരു: കെഎസ്ആർടിസി സ്വിഫ്റ്റ് ബസ് അപകടത്തിൽപ്പെട്ടു. ബെംഗളൂരുവിൽ നിന്ന് കോഴിക്കോടിനുള്ള ബസാണ് അപകടത്തിൽപ്പെട്ടത്. യാത്രക്കാർക്ക് പരിക്കേറ്റിട്ടുണ്ട്.
ഇടിയുടെ ആഘാതത്തിൽ സീറ്റിൽ നിന്നും യാത്രക്കാർ ബസിനുള്ളിൽ തെറിച്ച് വീഴുകയായിരുന്നു.
ഇന്നലെ രാത്രിയിലാണ് അപകടമുണ്ടായത്. മൈസൂരു ജെഎസ്എസ് കോളേജിന് സമീപം നിയന്ത്രണം വിട്ട് ബസി ഡിവൈഡറിൽ ഇടിച്ചുകയറുകയായിരുന്നു. പ്രവർത്തിക്കാത്ത വൈപ്പർ ഘടിപ്പിച്ചായിരുന്നു ബസിന്റെ യാത്ര. ഇടിയുടെ ആഘാതത്തിൽ ബസിന്റെ മുൻവശത്തെ ആക്സിൽ ഒടിഞ്ഞിട്ടുണ്ട്. കനത്ത മഴയും പ്രവർത്തന രഹിതമായ വൈപ്പറും എതിരെ വന്ന വാഹനത്തിന്റെ ലൈറ്റുമാണ് ബസ് നിയന്ത്രണം വിടാൻ കാരണമെന്ന് ഡ്രൈവർ പറഞ്ഞു. സംഭവത്തിൽ പോലീസ് കേസെടുത്തിട്ടുണ്ട്.
