തെന്നിന്ത്യയിൽ നിരവധി ആരാധകരുള്ള താരമാണ് വിശാൽ. 2004-ൽ പുറത്തിറങ്ങിയ ‘ചെല്ലമേ’ എന്ന ചിത്രത്തിലൂടെയായിരുന്നു സിനിമാ ലോകത്തേക്കുള്ള നടന്റെ ചുവടുവെയ്പ്. പിന്നാലെ നിരവധി വിജയ ചിത്രങ്ങൾ താരത്തെ തേടിയെത്തി. എന്നാൽ, തന്റെ ഏറ്റവും പുതിയ ചിത്രമായ മാർക്ക് ആന്റണിയിലൂടെ വലിയ തിരിച്ചറിവിന് ഒരുങ്ങുകയാണ് നടൻ. ചിത്രത്തിന്റെ പ്രമോഷൻ പരിപാടികളുടെ തിരക്കിലാണ് താര. ഇപ്പോഴിതാ, ‘മാർക്ക് ആന്റണി’ ട്രെയിലർ ലോഞ്ച് വേദിയിൽ തന്റെ വളർത്തുമകളെ പരിചയപ്പെടുത്തിയിരിക്കുകയാണ് വിശാൽ.
താന്‍ വിവാഹിതനല്ലെന്ന് എല്ലാവര്‍ക്കും അറിയാം. എന്നാൽ തനിക്ക് ഒരു മകളുണ്ടെന്ന മുഖവുരയോടെയാണ് വിശാല്‍ പെണ്‍കുട്ടിയെ വേദിയിലേക്ക് വിളിച്ചത്. ആന്റണ്‍ മേരി എന്നാണ് മകളുടെ പേരെന്നും ചെന്നൈയിലെ സ്റ്റൈല്ലാമേരിസ് കോളേജിലെ വിദ്യാർത്ഥിയാണെന്നും വിശാല്‍ പറഞ്ഞു.
കന്യാകുമാരിയിലെ മത്സ്യത്തൊഴിലാളി ദമ്പതികളുടെ മകളാണ് ആന്റണ്‍ മേരി. സാമ്പത്തിക പ്രതിസന്ധി അനുഭവിക്കുന്ന വിദ്യാർത്ഥികള്‍ക്കായി ഒട്ടേറെ ജീവകാരുണ്യപ്രവര്‍ത്തനങ്ങള്‍ വിശാലിന്റെ നേതൃത്വത്തില്‍ നടത്തുന്നുണ്ട്. ഈ പ്രവര്‍ത്തനങ്ങളുടെ ഭാഗമായി കണ്ടുമുട്ടിയ ഒരു വിദ്യാര്‍ഥിനിയെയാണ് വിശാല്‍ പരിചയപ്പെടുത്തിയിരിക്കുന്നത്. സാമ്പത്തികമായി പിന്നോക്കം നില്‍ക്കുന്ന പഠിക്കാന്‍ താത്പര്യം പെണ്‍കുട്ടികളെ സഹായിക്കുന്നതിന്റെ ഭാഗമായാണ് ആന്റണ്‍ മേരിയെ ഒരു സുഹൃത്തു വഴിയാണ് വിശാല്‍ കണ്ടുമുട്ടിയത്. ആന്റണ്‍ മേരിയുടെ സാമ്പത്തിക പ്രശ്‌നങ്ങള്‍ സുഹൃത്തില്‍ നിന്നറിഞ്ഞ വിശാല്‍ പഠനവും മറ്റു ചിലവുകൾ ഏറ്റെടുക്കുകയായിരുന്നു.
സ്‌റ്റെല്ലാ മേരീസ് കോളേജില്‍ പഠിക്കണമെന്നത് സ്വപ്‌നമായിരുന്നു. വിശാലിനെ പിതാവിന്റെ സ്ഥാനത്താണ് കാണുന്നതെന്നും ഉന്നത വിദ്യാഭ്യാസത്തിന് തുണയായ അദ്ദേഹത്തിനോട് ഒരുപാട് നന്ദിയുണ്ടെന്നും ആന്റണ്‍ മേരി പറഞ്ഞു. പെൺകുട്ടിയുടെ വാക്കുകൾ കേട്ടതോടെ നടനും വേദിയിലുള്ളവരും വികാരഭരിതരാകുന്ന കാഴ്‌ച്ചയാണ് പിന്നീട് കണ്ടത്.
Leave a Comment