തെന്നിന്ത്യയിലെ ക്യൂട്ട് നായികമാരിൽ ഒരാളാണ് രശ്മിക മന്ദാന. നിരവധി ആരാധകരും അതേപോലെ വിമർശകരുമുളള താരം കൂടിയാണ് ഇവർ. നിഷ്‌കളങ്കത നിറഞ്ഞ താരത്തിന്റെ മുഖഭാവങ്ങൾ സമൂഹമാദ്ധ്യമങ്ങളിൽ ശ്രദ്ധിക്കപ്പെടാറുണ്ട്. അതേസമയം തന്നെ, രശ്മികയുടെ മുഖഭാവങ്ങളും ചലനങ്ങളുമെല്ലാം നിഷ്‌കളങ്കത തോന്നാനും ശ്രദ്ധ പിടിച്ചു പറ്റാനും വേണ്ടി സൃഷ്ടിച്ചെടുക്കുന്നതാണ് എന്നും ചിലർ വിമർശിക്കുന്നു. ട്രോളുകളിലും നിരന്തരം താരം ഇടം പിടിക്കാറുണ്ട്. രശ്മികയുടെ മുഖ ഭാവങ്ങളും ക്യൂട്ട്‌നെസും സംസാര ശൈലിയും ആംഗ്യങ്ങളുമെല്ലാം ട്രോളുകളിൽ നിറയുന്നു. ഇപ്പോഴിതാ, ഇപ്പോഴിതാ അത്തരത്തിലുള്ള നടിയുടെ ഒരു ക്യൂട്ട് വീഡിയോ ആണ് സമൂഹ മാദ്ധ്യമങ്ങളിൽ പ്രചരിക്കുന്നത്.
View this post on Instagram
രശ്മികയുടെ പേഴ്‌സണൽ സ്റ്റാഫിൽ ഒരാളായ സായിയുടെ വിവാഹ വേദിയിൽ വച്ച് നടന്ന സംഭവമാണ് ഇപ്പോൾ ശ്രദ്ധേയമാകുന്നത്. സ്റ്റാഫിന്റെ വിവാഹ വേദിയിൽ ആദ്യാവസാനം താരമായി തിളങ്ങിരുന്നു രശ്മിക. വിവാഹ വേദയിൽ എത്തി ദമ്പതികൾക്ക് ആശംസകളറിയിക്കുകയും ചെയ്തു. ഈ സമയം ദമ്പതികൾ ഇരുവരും താരത്തിന്റെ കാലിൽ തൊട്ട് അനുഗ്രഹം വാങ്ങുകയും ചെയ്തു. എന്നാൽ ദമ്പതികൾ അനുഗ്രഹം വാങ്ങാൻ ഒരുങ്ങുന്ന സമയത്ത് വേദിയിൽ നിന്ന് ഇരുവരെയും പിന്തിരിപ്പാക്കാൻ ശ്രമിക്കുകയും രശ്മിക ഓടി മാറാൻ ശ്രമിക്കുന്നതും കാണാം. ഇതിനോടകം ഇതിന്റെ വീഡിയോ സമൂഹ മാദ്ധ്യമങ്ങളിൽ പ്രചരിക്കുകയാണ്.
ആരാധകരും പാപ്പരാസികളുമടക്കം നിരവധിപ്പേരാണ് വീഡിയോയ്‌ക്ക് താഴെ കമന്റുകളുമായി എത്തിയിരിക്കുന്നത്. ദമ്പതികൾ അനുഗ്രഹത്തിനായി എത്തിയപ്പോൾ രശ്മിക നാണത്തോടെ ഓടിയെങ്കിലും അവരെ അനു ഗ്രഹിക്കുകയും ദമ്പതികൾക്കൊപ്പം ചിത്രങ്ങൾ എടുക്കുകയും ചെയ്‌തെന്നും ഒരു പാപ്പരാസി ഇൻസ്റ്റാഗ്രാമിൽ കുറിച്ചു. ഒരുപാട് ആരാധകരും വിമർശകരും വീഡിയോയ്‌ക്ക് കമന്റുകളുമായി എത്തിയിരുന്നു.
