കൊച്ചി : ഇന്ത്യയെന്ന പേര് മാറ്റണമെന്ന് സദ്ഗുരു ജഗ്ഗി വാസുദേവ് ആവശ്യപ്പെടുന്ന വീഡിയോ പങ്ക് വച്ച് നടൻ ഉണ്ണി മുകുന്ദൻ . മുൻ ഐ പി എസ് ഓഫീസർ കൂടിയായ കിരൺ ബേദിയുമായുള്ള അഭിമുഖത്തിനിടെയാണ് ഇന്ത്യയെന്ന പേര് മാറ്റണമെന്ന ആവശ്യം സദ്ഗുരു ഉന്നയിച്ചത് . 2014 ലെ ഈ വീഡിയോയാണ് ഉണ്ണി മുകുന്ദൻ പങ്ക് വച്ചിരിക്കുന്നത് .
വിദേശ ശക്തികൾ അധിശത്വം സ്ഥാപിക്കുന്ന രാജ്യങ്ങളിൽ ആദ്യം ചെയ്യുക രാജ്യത്തിന്റെ പേര് മാറ്റുക എന്നതാണെന്നും , അത് ഇന്ത്യയിൽ സംഭവിച്ചതായും അദ്ദേഹം വീഡിയോയിൽ പറയുന്നു . ജനങ്ങളുടെ ഉള്ളിൽ പ്രതിധ്വനിക്കുന്നതാകണം രാജ്യത്തിന്റെ പേര് . അതുകൊണ്ട് തന്നെ രാജ്യത്തിന്റെ പ്രധാനമന്ത്രിയോട് ഈ രാജ്യത്തിന്റെ പേര് മാറ്റാൻ താൻ അപേക്ഷിക്കുകയാണെന്നും സദ്ഗുരു പറയുന്നു .
കഴിഞ്ഞ ദിവസവും മേരാ ഭാരത് എന്ന പോസ്റ്റ് ഉണ്ണി മുകുന്ദൻ പങ്ക് വച്ചിരുന്നു . അതിനു പിന്നാലെയാണ് സദ്ഗുരുവിന്റെ വീഡിയോ അഭിമുഖത്തിന്റെ ഭാഗങ്ങൾ പങ്ക് വച്ചിരിക്കുന്നത് .
Comments