തൃശൂർ: വിനോദ സഞ്ചാരത്തിനെത്തിയ മലപ്പുറം ജില്ലാ കളക്ടർ പ്രേംദാസും സംഘവും സഞ്ചരിച്ച കെഎസ്ആർടിസി ബസിന് നേരെ ഒറ്റയാന്റെ ആക്രമണ ശ്രമം. ഇന്നലെ രാത്രി ഷോളയാറിന് സമീപം ആനക്കയത്ത് വെച്ചാണ് ആന വഴി തടഞ്ഞത്. ഏകദേശം 15 മിനിട്ടോളം ആന വഴിതടഞ്ഞ് നിന്നു. തുടർന്ന് വനം വകുപ്പ് ഉദ്യോഗസ്ഥരെത്തി ആനയെ നീക്കുകയായിരുന്നു.
കഴിഞ്ഞ ദിവസമാണ് മലക്കപ്പാറിയിലേയ്ക്ക് കളക്ടറും സംഘവും യാത്ര തിരിച്ചത്. രണ്ട് കെഎസ്ആർടിസി ബസുകളിലായി 72 പേരടങ്ങുന്ന സംഘമാണ് വിനോദയാത്രയ്ക്ക് പോയത്. യാത്ര കഴിഞ്ഞ് തിരികെ വരുമ്പോഴായിരുന്നു സംഘത്തെ ആന തടഞ്ഞത്.
മലക്കപ്പാറയിൽ കാട്ടാനകൾ വണ്ടി തടയുന്നത് സ്ഥിരം സംഭവമാണ്. മെയ്മസത്തിലും യാത്രക്കാർക്ക് നേരെ കാട്ടാന ആക്രമണം നടത്തിയിട്ടുണ്ട്. അന്ന് കാട്ടനയുടെ ആക്രമണത്തിൽ നിന്ന് അത്ഭുതകരമായാണ് ആളുകൾ രക്ഷപ്പെട്ടത്.
Comments