ഏഷ്യാകപ്പിലെ സൂപ്പർ പോരാട്ടത്തിൽ റൺമഴയ്ക്ക് മുന്നിൽ പാകിസ്താനെ മുട്ടു കുത്തിച്ച ഇന്ത്യൻ ടീമിനെ പ്രശംസിക്കുകയാണ് ക്രിക്കറ്റ് ആരാധകർ. പാക് പേസ് നിരയെ തച്ചുടച്ച് ഇന്ത്യൻ ബാറ്റർമാർ പടുത്തുയർത്തിയ കൂറ്റൻ സ്കോറിന് മുന്നിൽ പാകിസ്താൻ ടീമിന് വിറയ്ക്കേണ്ടി വന്നു. ഇന്ത്യ ഉയർത്തിയ 357 റൺസ് പിന്തുടർന്ന പാകിസ്താൻ 228 റൺസിന് പരാജയപ്പെടുകയായിരുന്നു. പാകിസ്താനെ നിലംപരിശാക്കിയ ഇന്ത്യൻ ടീമിന്റെ വിജയം ആഘോഷമാക്കുകയാണ് ക്രിക്കറ്റ് പ്രേമികൾ. ഇതിന്റെ വീഡിയോകളാണ് സമൂഹമാദ്ധ്യമങ്ങളിൽ വൈറലാകുന്നത്.
Celebration in KASHMIR after team India beat Pakistan 🔥🇮🇳#INDvPAK #ViratKohli #AsiaCup2023 pic.twitter.com/95XpwPoaKs
— Varsha Singh (@varshaparmar06) September 11, 2023
ഇന്ത്യൻ ടീമിന്റെ വിജയം ദേശ സ്നേഹം തുളുമ്പുന്ന മുദ്രാവാക്യങ്ങൾ വിളിച്ചും ത്രിവർണ്ണ പതാക ഉയർത്തിയും പടക്കം പൊട്ടിച്ചും നൃത്തം ചെയ്തുമെല്ലാം ആഘോഷിക്കുകയാണ് ജമ്മു കശ്മീരിലെ ജനങ്ങൾ. ‘ഭാരത് മാതാ കീ ജയ്’ എന്ന് ഉറക്കെ വിളിച്ചുകൊണ്ടാണ് കശ്മീർ ജനതയുടെ ആഘോഷം. ഇതിന്റെ വീഡിയോകൾ സമൂഹമാദ്ധ്യമങ്ങളിൽ വൈറലാണ്. പാകിസ്താനുമായി അതിർത്തി പങ്കിടുന്നതിനാൽ ജമ്മു കശ്മീർ ജനതയുടെ വിജയാഘോഷം കൂടുതൽ ശ്രദ്ധനേടുന്നു.
VIDEO | Cricket fans in Jammu celebrate India’s victory against Pakistan in the Super 4 match of the Asia Cup.#INDvPAK #AsiaCup2023 #IndiaVsPakistan pic.twitter.com/gTRq0pBA07
— Press Trust of India (@PTI_News) September 11, 2023
ഇന്ത്യയുടെ വിവിധ ഭാഗങ്ങളിൽ നിന്നു മാത്രമല്ല വിദേശ രാജ്യങ്ങളിൽ നിന്നുള്ള വിജയാഘോഷങ്ങളുടെ വീഡിയോകളും സമൂഹമാദ്ധ്യമങ്ങളിൽ പ്രത്യക്ഷപ്പെട്ടിട്ടുണ്ട്. നാഗ്പൂർ, ഉത്തർപ്രദേശ്, ഗുജറാത്ത് എന്നിവിടങ്ങളിൽ നിന്നുള്ള ആഘോഷങ്ങളുടെ വീഡിയോകൾ ക്രിക്കറ്റ് ആരാധകരും ദേശ സ്നേഹികളും ഇതിനോടകം ഏറ്റെടുത്തു കഴിഞ്ഞു. ശ്രീലങ്ക, ദുബായി എന്നിവടങ്ങളിലും വലിയ ആഘോഷങ്ങളാണ് നടന്നത്.
#WATCH | Surat, Gujarat: Fans celebrate as India beat Pakistan in the Asia Cup Super 4 match, by 228 runs#INDvPAK pic.twitter.com/kvJvQDqZiE
— ANI (@ANI) September 11, 2023
