ന്യൂഡൽഹി: സ്വകാര്യ സമയങ്ങളിൽ വ്യക്തികൾ അശ്ലീല വീഡിയോകൾ കാണുന്നത് നിയമപരമായി കുറ്റമല്ലെന്ന് ഹൈക്കോടതി. പൊതുസ്ഥലത്ത് നിന്നും അശ്ലീല വീഡിയോ കണ്ട യുവാവിനെതിരെ ആലുവ പോലീസ് രജിസ്റ്റർ ചെയ്ത കേസ് റദ്ദാക്കി കൊണ്ടാണ് ഹൈക്കോടതി ഉത്തരവിറക്കിയത്. അശ്ലീല വീഡിയോകൾ പ്രചരിപ്പിക്കുന്നതും വിതരണം ചെയ്യുന്നതുമാണ് തെറ്റെന്നും ഹൈക്കോടതി വ്യക്തമാക്കി.
ഡിജിറ്റൽ കാലത്തിൽ അശ്ലീല വീഡിയോകൾ കിട്ടാൻ വളരെ എളുപ്പമാണ്. എന്നാൽ കുട്ടികൾ അത്തരം വീഡിയോകൾക്ക് അടിമപ്പെടുന്നതും നിരന്തരമായി കാണുന്നതും ദൂരവ്യാപകമായ പ്രത്യാഘാതം ഉണ്ടാക്കുമെന്നും ഉത്തരവിൽ പറയുന്നു. ജസ്റ്റിസ് പി വി കുഞ്ഞികൃഷ്ണാണ് ഉത്തരവിറക്കിയത്.
2016 ജൂലൈയിലാണ് പൊതുസ്ഥലത്ത് നിന്നും അശ്ലീല വീഡിയോ കണ്ടതിന് യുവാവിനെ ആലുവ പോലീസ് അറസ്റ്റുചെയ്തത്. കറുകുറ്റി സ്വദേശിയായ 27 കാരനെതിരെയായിരുന്നു പോലീസ് കേസ്. കേസുമായി ബന്ധപ്പെട്ട് മറ്റ് എല്ലാ തുടർ നടപടികളും ഹൈക്കോടതി റദ്ദാക്കി.
Comments