അഹമ്മദാബാദ്; ഗുജറാത്തിലെ ദ്വാരകയില് ആറാം ക്ലാസുകാരന് ഹൃദയസ്തംഭനത്തെ തുടര്ന്ന് മരിച്ചു. രാജ്കോട്ടിലും 20-കാരന് പെട്ടെന്നുണ്ടായ ഹൃദയസ്തംഭനത്തെ തുടര്ന്ന് കഴിഞ്ഞ ദിവസം മരണപ്പെട്ടിരുന്നു. രണ്ടുദിവസത്തിനിടെ 25 വയസില് താഴെയുള്ള മൂന്നുപേരാണ് ഹൃദയസ്തംഭനത്തെ തുടര്ന്ന് മരിക്കുന്നത്.
12-കാരനെ രാവിലെ 5.30ന് വീടിന്റെ മുറ്റത്ത് ബോധരഹിതനായി കാണപ്പെടുകയായിരുന്നു. ‘ഞങ്ങള് കണ്ടെത്തുമ്പോള് അവന് ശ്വാസമുണ്ടായിരുന്നില്ല. ഒട്ടും വൈകാതെ ആശുപത്രിയിലെത്തിച്ചെങ്കിലും അവന്റെ ജീവന് രക്ഷിക്കാനായില്ല’:- ദുഷ്യന്തിന്റെ പിതാവ് ഘനശ്യാം ടൈംസ് ഓഫ് ഇന്ത്യയോട് പറഞ്ഞു. കുട്ടി കൊവിഡ് വാക്സിന് എടുത്തിരുന്നില്ലെന്നും അദ്ദേഹം വ്യക്തമാക്കി.
അവന്റെ സുഹൃത്തുക്കള്ക്കും ടീച്ചര്മാര്ക്കും ഗ്രാമവാസികള്ക്കും കുട്ടിയുടെ വിയോഗം ഇതുവരെ വിശ്വസിക്കാനായിട്ടില്ല.23-കാരനായ നിമിത് സദ്രാനി രാജ്കോട്ടിലെ നാന മൗവ റോഡിലാണ് കുഴഞ്ഞു വീണത്. നാട്ടുകാര് ആംബുലന്സ് വിളിച്ച് യുവാവിനെ ആശുപത്രിയിലെത്തിച്ചെങ്കിലും ഡോക്ടര്മാര് മരണം സ്ഥിരീകരിക്കുകയായിരുന്നു. അസ്വഭാവിക മരണത്തിന് പോലീസ് കേസ് രജിസ്റ്റര് ചെയ്തു.
മറ്റൊരു സംഭവത്തില് 24-കാരനായ ജാസ്മിന് വഗാസിയാണ് മരിച്ചത്. ബന്ധുവിന്റെ ഫാക്ടറിലെത്തിയ ജാസ്മിന് പ്രാര്ത്ഥിക്കുന്നതിനിടെ കുഴഞ്ഞു വീഴുകയായിരുന്നു. ആശുപത്രിയിലെത്തിച്ചെങ്കിലും മരിച്ചു. തിങ്കളാഴ്ച രാവിലെയായിരുന്നു സംഭവം.
Comments