ഇപ്പോള് കാണുന്ന രോഹിത് ശര്മ്മയെ ഹിറ്റ്മാന് എന്ന നിലയിലേക്ക് വളര്ത്തിയത് ഇന്ത്യയുടെ മുന്നായകന് മഹേന്ദ്ര സിംഗ് ധോണിയെന്ന് ലോകകപ്പ് ഹീറോ ഗൗതം ഗംഭീര്. ഏഷ്യാകപ്പിനിടെയുള്ള സ്റ്റാര് സ്പോര്ടിന്റെ അഭിമുഖത്തിലാണ് താരം ഇക്കാര്യങ്ങള് പറഞ്ഞത്.
രോഹിത് ശര്മ്മ ഏകദിനത്തില് 10,000 റണ്സ് കഴിഞ്ഞ ദിവസം പിന്നിട്ടിരുന്നു. ഇക്കാര്യങ്ങള് പരാമര്ശിക്കുന്നതിനിടെയാണ് രോഹിത്തിന്റെ കരിയറില് ധോണി ചെലുത്തിയ സ്വാധീനത്തെക്കുറിച്ച് ഗംഭീര് വാചാലനായത്.
‘ അദ്ദേഹത്തിന് 10,000 റണ്സ് നേടുന്നത് ഒട്ടും എളുപ്പമായ കാര്യമല്ല. ഒരുപാട് കയിറ്ററക്കങ്ങള് അദ്ദേഹത്തിന്റെ കരിയറിലുണ്ടായിട്ടുണ്ട്. രോഹിത്തിനെ ഇപ്പോഴും രോഹിത് ശര്മ്മയാക്കാന് ധോണി വഹിച്ച പങ്ക് ചെറുതല്ല. അവന്റെ തുടക്ക കാലത്തെ മോശം നാളുകളില് അവനെ തുടര്ച്ചയായി ധോണി സപ്പോര്ട്ട് ചെയ്തു.-ഗംഭീര് പറഞ്ഞു.
റണ്സിന്റെ കാര്യത്തിലല്ല, ക്യാപ്റ്റനെന്ന നിലയില് ഒരു പാരമ്പര്യം ഉണ്ടാക്കാന് രോഹിത് ആഗ്രഹിക്കുന്നുവെങ്കില്, അവന് യുവ കളിക്കാരെ എങ്ങനെ പിന്തുണയ്ക്കുന്നു എന്നതിനെ ആശ്രയിച്ചിരിക്കും- ഗംഭീര് പറഞ്ഞു.
