ഇന്ന് ക്രെഡിറ്റ്- ഡെബിറ്റ് കാർഡുകൾ മുഖേനയാണ് അധികം ആളുകളും ഇടപാടുകൾ നടത്തുന്നത്. രാജ്യത്ത് ക്രെഡിറ്റ് കാർഡ് ഉപയോഗം അനുദിനം വർദ്ധിച്ചുകൊണ്ടിരിക്കുകയാണെന്നാണ് പുറത്തു വരുന്ന റിപ്പോർട്ടുകൾ. പലരും വീടിന്റെ വാടക പോലും ക്രെഡിറ്റ് കാർഡ് മുഖേന അടയ്ക്കാറുണ്ട്. എന്നാൽ ഇത്തരത്തിൽ ക്രെഡിറ്റ് കാർഡ് ഉപയോഗിക്കുന്നത് ഗുണത്തേക്കാൾ ഏറെ ദോഷത്തിന് കാരണമാകും.
വാടക നൽകുന്നതിനായി ക്രെഡിറ്റ് കാർഡ് ഉപയോഗിക്കുന്നതിന് മുമ്പ് അറിഞ്ഞിരിക്കേണ്ട കാര്യങ്ങൾ..
ഉയർന്ന നിരക്കുകൾ
ക്രെഡിറ്റ് കാർഡുകൾ സാധാരണയായി ചില പലിശ ഈടാക്കാറുണ്ട്. എപ്പോഴെങ്കിലും കുടിശിക അടയ്ക്കാൻ കഴിഞ്ഞില്ലെങ്കിൽ ഇത് പലിശ ഉയരാൻ കാരണമാകും.
കടം
ക്രെഡിറ്റ് കാർഡുകൾ ഉപയോഗിച്ച് വാടക അടയ്ക്കുന്നത് കടം വർദ്ധിക്കുന്നതിനുള്ള സാധ്യത വർദ്ധിപ്പിക്കുന്നു. ബാക്കി തുക മുഴുവനായും അടയ്ക്കുന്നതിൽ പരാജയം സംഭവിച്ചാൽ ഇത് പലിശ ഉൾപ്പടെ വൻ ബാധ്യതയ്ക്ക് കാരണമാകും.
ക്രെഡിറ്റ് സ്കോർ
ക്രെഡിറ്റ് കാർഡ് പേയ്മെന്റുകൾ ഒരു വ്യക്തിയുടെ ക്രെഡിറ്റ് സ്കോറിനെ നേരിട്ട് ബാധിക്കുന്നതാണ്. ആരെങ്കിലും വലിയ തുക വാടകയ്ക്ക് നൽകുകയും ബാലൻസ് കൃത്യസമയത്ത് അടയ്ക്കാൻ കഴിയാതെ വരികയും ചെയ്താൽ അത് ക്രെഡിറ്റ് സ്കോറിനെ പ്രതികൂലമായി ബാധിക്കും.
Comments