തിരുവനന്തപുരം : മുഖ്യമന്ത്രി പിണറായി വിജയന്റെ പ്രസംഗത്തിനിടെ എഴുന്നേറ്റ് നിന്നതിനെ കുറിച്ച് നടൻ ഭീമൻ രഘു .
എഴുന്നേറ്റ് നിന്നാല്‍ എന്താണ് കുഴപ്പം. മുതിര്‍ന്ന അല്ലെങ്കില്‍ നമ്മള്‍ ആദരിക്കുന്ന ഒരു വ്യക്തിയെ കണ്ടാല് എഴുന്നേറ്റ് നില്‍ക്കണമെന്നാണ് ഞാൻ പഠിച്ചത്. അദ്ദേഹം വന്നപ്പോള്‍ തന്നെ കാലില്‍ മുകളില്‍ കാലുകയറ്റിയിരുന്ന ഞാന്‍ നോര്‍മലായി ഇരുന്നു. കൂടാതെ അദ്ദേഹം എന്നെ നോക്കി ചിരിച്ചു. എന്‍റെ സാന്നിധ്യം അവിടെയുണ്ടെന്ന് അദ്ദേഹത്തിന് മനസിലായി.
ആള്‍ക്കാര്‍ ഇതിനെ ട്രോള്‍ ചെയ്യുന്ന കാര്യത്തില്‍ പരാതിയൊന്നും ഇല്ല. അത് നല്ല കാര്യം അല്ലെ. അത് കൊണ്ട് ഈ സംഭവം എത്ര സ്ഥലത്താണ് എത്തിയത്. എന്നും അച്ഛനും അമ്മയെ ആദരിക്കുന്ന സംസ്കാരമാണ് എന്‍റെത്. അദ്ദേഹത്തിന്‍റെ സംസാരം കേട്ടപ്പോള്‍ എന്‍റെ അച്ഛന്‍ സംസാരിക്കുന്നത് പോലെ തോന്നി അത് കൊണ്ട് എഴുന്നേറ്റു. അത് പ്രിപ്പേയര്‍ ചെയ്ത് വന്ന് ചെയ്തതൊന്നും അല്ല. അപ്പോള്‍ തോന്നി അത് ചെയ്തു.
ഒരു പദവിക്ക് വേണ്ടിയാണ് നിന്നത് എന്ന വിമര്‍ശനം ശരിയല്ല. ഞാന്‍ ചോദിച്ചാല്‍ പദവി ലഭിക്കും പക്ഷെ അതിനൊന്നും ആഗ്രഹമില്ല. അതിന്‍റെ പേരില്‍ കളിയാക്കിയാല്‍ സന്തോഷമാണ്.എല്ലാവരും എഴുന്നേറ്റ് നില്‍ക്കണമെന്ന് എനിക്ക് തോന്നിയില്ല. കാരണം ഒരോരുത്തരുടെയും ചിന്തയല്ലെ
നാല്‍പ്പത് കൊല്ലമായി സിനിമയില്‍ ഉള്ള എന്നെ ലോകത്ത് എവിടെ പോയാലും ആളുകള്‍ തിരിച്ചറിയും. അതിനാല്‍ തന്നെ ഞാന്‍ ശ്രദ്ധയാകര്‍ഷിക്കാന്‍ വേണ്ടിയാണ് ഇത് ചെയ്തത് എന്ന് പറയുന്നതില്‍ ഒരു കാര്യവും ഇല്ല. അതേ സമയം ഇനിയും മുഖ്യമന്ത്രിയുടെ പരിപാടിക്ക് പോയാല്‍ എഴുന്നേറ്റ് നില്‍ക്കുമോ എന്ന് പറയാന്‍ സാധിക്കില്ല. അതെല്ലാം അന്നത്തെ സാഹചര്യം പോലെയിരിക്കും.
