ചലച്ചിത്ര പ്രേമികളുടെ ഇഷ്ട താരമാണ് മാധവൻ. നടനും എഴുത്തുകാരനും സംവിധായകനുമായ ആർ മാധവൻ അടുത്തിടെ ബെംഗളൂരുവിലെ കെംപഗൗഡ ഇന്റർനാഷണൽ എയർപോർട്ടിൽ പോയപ്പോൾ അവിടുത്തെ അടിസ്ഥാന സൗകര്യങ്ങളെക്കുറിച്ച് പറഞ്ഞ വാചകങ്ങളാണ് ഇപ്പോൾ സമൂഹ മാദ്ധ്യമങ്ങൾ ഏറ്റെടുത്തിരിക്കുന്നത്.
സമൂഹ മാദ്ധ്യമമായ എക്‌സിലൂടെ താരം തന്നെയാണ് വീഡിയോ ആരാധകർക്കായി പങ്കുവെച്ചിരിക്കുന്നത്. വീഡിയോയിൽ താരം അതിഗംഭീരമായ പൂന്തോട്ടത്തിന്റെ ഒരു വശത്തായി ഇരിക്കുകയാണ്. താൻ ഇപ്പോൾ ബെംഗളൂരുവിലെ പുതിയ ഇന്റർനാഷണൽ എയർപോർട്ടിലാണെന്നും ഇവിടുത്തെ കാഴ്ചകൾ അവിശ്വസനീയമാണെന്നും പറയുന്നുണ്ട്. ഭാരതത്തിന്റെ വളർന്നു കൊണ്ടിരിക്കുന്ന ഇൻഫ്രാസ്ട്രക്ച്ചറിൽ അതിയായ സന്തോഷവും അഭിമാനവും തോന്നുന്നെന്നും അദ്ദേഹം വീഡിയോയിൽ പറയുന്നുണ്ട്. തുടർന്ന് താരം എയർപോർട്ടിലെ ഉദ്യോനത്തിന്റെ ഭംഗി പ്രേക്ഷകർക്കായി കാണിക്കുന്നു. ഇതൊരു എയർപോർട്ടാണെന്ന് വിശ്വസിക്കാൻ കഴിയുന്നില്ലെന്നും സീലിംഗിൽ നട്ടുപിടിപ്പിച്ചരിക്കുന്ന ചെടികൾ യഥാർത്ഥ സസ്യങ്ങളാണെന്നും അദ്ദേഹം പറയുന്നു. എല്ലാ ദിവസവും ഉദ്യാനത്തെ പരിപാലിക്കാൻ ജീവനക്കാർ ഉണ്ടാകാറുണ്ടെന്നും താരം വീഡിയോയിൽ പറയുന്നുണ്ട്.
View this post on Instagram
“>
താരം പങ്കുവെച്ച വീഡിയോയ്ക്ക് പ്രധാന മന്ത്രി നരേന്ദ്ര മോദിയും കമന്റുമായി രംഗത്തെത്തി. നവഭാരതത്തിന്റെ വളർച്ചയ്‌ക്കായി നവീന അടിസ്ഥാന സൗകര്യങ്ങൾ എന്നായിരുന്നു നരേന്ദ്രമോദിയുടെ പ്രതികരണം. നിമിഷ നേരങ്ങൾ കൊണ്ട് നിരവധി പേരാണ് താരത്തിന്റെ വീഡിയോ ഏറ്റെടുത്തത്. വിദേശ രാജ്യങ്ങളിലെ എയർപോർട്ടുകളേക്കാൾ എത്രയോ ഉയർന്ന നിലവാരമുള്ള എയർപോർട്ടുകളാണ് നമുക്കുള്ളതെന്നായിരുന്നു കാഴ്ചക്കാരിൽ ചിലരുടെ പ്രതികരണം.
