പ്രോഡക്ടുകൾ ഓർഡർ ചെയ്യുന്നതിനായി ഉപയോക്താക്കൾ ഏറ്റവും അധികം ഉപയോഗിക്കുന്നത് ആമസോണും ഫ്ളിപ്കാർട്ടുമാണ്. ഇപ്പോഴിതാ ആപ്പിളിന്റെ ഏറ്റവും പുതിയ സീരീസുകളായ ഐഫോൺ 15 സൈറ്റുകളിൽ എത്തിയിരിക്കുകയാണ്. വെള്ളിയാഴ്ച വൈകിട്ട് മുതതൽ രാജ്യത്ത് ഫോണുകളുടെ പ്രീ ബുക്കിംഗ് ആരംഭിച്ചതോടെയാണ് സൈറ്റുകളിൽ ഫോണെത്തിയത്. നിലവിൽ ആമസോൺ, ഫ്ളിപ്കാർട്ട്, ക്രോമ, വിജയ് സെയിൽസ്, ആപ്പിളിന്റെ ഔദ്യോഗിക വെബ്സൈറ്റ് എന്നിവിടങ്ങളിൽ നിന്നും പ്രീബുക്കിംഗിലൂടെ ഫോൺ സ്വന്തമാക്കാനാകും. സെപ്റ്റംബർ 22 മുതൽ ഫോൺ ആപ്പിളിന്റെ സ്റ്റോറുകളിൽ ഉൾപ്പെടെ എത്തുമെന്നാണ് റിപ്പോർട്ട്. ഇതിനൊപ്പം തന്നെ വിവിധ സൈറ്റുകളും ഫോണിന് വേണ്ടി നിരവധി ഓഫറുകൾ പ്രഖ്യാപിച്ചിട്ടുണ്ട്. ഇവ എന്തൊക്കെയെന്ന് നോക്കാം…
ക്രോമ എന്ന സൈറ്റിൽ ഐഫോൺ 15 സീരീസ് ഫോണുകളുടെ പ്രീ ബുക്കിംഗ് ആരംഭിച്ചിട്ടുണ്ട്. ക്രോമയുടെ സ്റ്റോറുകളിലും ഐഫോൺ 15 സീരീസ് ഫോണുകൾ ലഭ്യമാകുന്നതാണ്. ഇൻസ്റ്റന്റ് ഓഫറായി ഐഫോൺ15, പ്ലസ് മോഡലിന് 5000 രൂപയും പ്രോ വേരിയന്റിൽ 4000 രൂപയും വിലക്കിഴിവുണ്ട്. എച്ച്ഡിഎഫ്സി ക്രെഡിറ്റ് കാർഡ് ഉപഭോക്താക്കൾ അല്ലെങ്കിൽ ഇഎംഐ പേയ്മെന്റ് ഉപഭോക്താക്കൾക്കാണ് ഈ ഓഫർ ലഭിക്കുക. ഇതിന് പുറമെ എക്സ്ചേഞ്ച് ബോണസായി 6000 രൂപ വരെയും ക്രോമ ഓഫർ ചെയ്യുന്നുണ്ട്. 24 മാസം വരെ നോ കോസ്റ്റ് ഇഎംഐ സേവനവും ക്രോമ ഉപഭോക്താക്കൾക്ക് ലഭിക്കും.
ആമസോണിൽ ഐഫോൺ 15, ഐഫോൺ 15 പ്ലസ് എന്നിവ 89,900 രൂപ മുതൽ പ്രീ-ഓർഡറിന് ലഭ്യമാകുന്നതാണ്. പ്രോ മോഡലുകളുടെ 1 ടിബി വേരിയന്റിന് 1,84,900 രൂപയാണ് വില. എച്ച്ഡിഎഫ്സി ക്രെഡിറ്റ് കാർഡ് മുഖേനയുള്ള വാങ്ങലുകൾക്ക് 5,000 രൂപ കിഴിവ് ലഭിക്കും. സെപ്റ്റംബർ 23 മുതൽ ഡെലിവറി ആരംഭിക്കും എന്നാണ് പുറത്ത് വരുന്ന റിപ്പോർട്ട്. ഫ്ലിപ്കാർട്ടിൽ 89,900 രൂപ മുതൽ ഐഫോൺ 15, 15 പ്ലസ് എന്നീ മോഡലുകൾ മുൻകൂട്ടി ഓർഡർ ചെയ്യാനാകും. എച്ച്ഡിഎഫ്സി, കോട്ടക്ക് എന്നീ ബാങ്കുകളുടെ ക്രെഡിറ്റ് കാർഡ് ഉപയോഗിക്കുന്നവർക്ക് 5000 രൂപ കിഴിവ് ലഭിക്കും. ഇതിന് പുറമെ ഇവർക്ക് ഇഎംഐ ഇടപാടുകളിൽ 10 ശതമാനം കിഴിവും വാഗ്ദാനം ചെയ്യുന്നുണ്ട്. എക്സ്ചേഞ്ച് ഓഫറുകൾ വഴി പരമാവധി 51,000 രൂപയുടെ കിഴിവുമാണ് ലഭിക്കുക.
Comments