തിരുവനന്തപുരം: നാട്ടുകാരെ പിഴിയുന്ന എഐ ക്യാമറ ഒടുവിൽ പോലീസിനും പണി കൊടുത്തു. തിരുവനന്തപുരത്തെ മലയൻകീഴ്, കാട്ടാക്കട പോലീസ് സ്റ്റേഷനുകളിലെ ജീപ്പുകളാണ് ക്യാമറ കണ്ണിൽ പതിഞ്ഞത്. സീറ്റ് ബെൽറ്റ് ധരിക്കാതെ യാത്ര ചെയ്തതെന്ന് കാണിച്ച് ഇരു പോലീസ് സ്റ്റേഷനുകൾക്കും പിഴ നോട്ടീസും എത്തി.
കാട്ടാക്കട പോലീസ് സ്റ്റേഷനിലെ കെഎൽ 01 സിഎച്ച് 6897 ജീപ്പിന് ജൂൺ 16-നും മലയിൻകീഴ് പോലീസ് സ്റ്റേഷനിലെ കെഎൽ 01 ബിഡബ്ല്യു 5623 ജീപ്പിന് ജൂൺ 27-നുമാണ് പിഴയിട്ടത്. ഡ്രൈവർ, കോ പാസഞ്ചർ എന്നിവർ സീറ്റ് ബെൽറ്റ് ധരിക്കാതെ യാത്ര നടത്തിയതിനാണ് ക്യാമറ പിഴയിട്ടത്. ഇതുവരെയും പിഴ അടച്ചിട്ടില്ല.
മുൻപ് കെഎസ്ഇബിയുടെ വാഹനങ്ങൾക്ക് നിയമലംഘനം നടത്തിയതിന് പിന്നാലെ എംവിഡിയും കെഎസ്ഇബിയും തമ്മിൽ വൻ പോരാട്ടങ്ങളായാരുന്നു നടന്നത്. ഇത് പരിഹരിച്ചുവരുന്നതിനിടെയാണ് അടുത്ത എഐ പൊല്ലാപ്പ്.