തിരുവനന്തപുരം: സർക്കാർ സ്കൂളിൽ വിദ്യാർത്ഥികൾ തമ്മിൽ സംഘർഷം. പാറശാലയിലാണ് സംഭവം. ഒൻപതാം ക്ലാസുകാരന്റെ കൈ സഹപാഠികൾ തല്ലിയൊടിച്ചു.
14-കാരൻ കൃഷ്ണകുമാറിന്റെ കൈയാണ് സഹപാഠികൾ തല്ലിയൊടിച്ചത്.
സംഭവത്തിൽ മാതാപിതാക്കൾ പോലീസിൽ പരാതി നൽകി. കേസ് പറഞ്ഞ് ഒത്തുതീർപ്പാക്കാനുള്ള ശ്രമത്തിലാണ് പോലീസ്. ഇതിനിടെ സംഭവത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്. സംഭവത്തിൽ പോലീസ് അന്വേഷണം നടത്തുമെന്ന് അറിയിച്ചു. സ്കൂളിൽ നിന്നും വിദ്യാഭ്യാസം പൂർത്തിയാക്കിയ കുട്ടികളെത്തിയാണ് കൃഷ്ണകുമാറിന്റെ കൈ തല്ലിയൊടിച്ചതെന്നാണ് പോലീസ് പറയുന്നത്. ഫോണിലെ അക്കൗണ്ട് ഡിലീറ്റ് ചെയ്യണമെന്നാവശ്യപ്പെട്ടായിരുന്നു അക്രമം.
