ഓസ്‌ട്രേലിയയ്‌ക്കെതിരായ ഒന്നാം ഏകദിനത്തിൽ മറുപടി ബാറ്റിംഗിനിറങ്ങിയ ഇന്ത്യയ്ക്ക് മികച്ച തുടക്കം. 277 വിജയ ലക്ഷ്യം പിന്തുടരുന്ന ഇന്ത്യ നിലവിൽ 22 ഓവറുകൾ പിന്നിട്ടപ്പോൾ ഒരു വിക്കറ്റ് നഷ്ടത്തിൽ 143 റൺസ് നേടി. ഓപ്പണർമാരായ ശുഭ്മാൻ ഗില്ലും ഋതുരാജ് ഗെയ്ഗ്വാദും അർദ്ധ ശതകങ്ങൾ നേടി. 69 രൺസുമായി ഗില്ലും രണ്ട് റൺസുമായി ശ്രേയസ് അയ്യരുമാണ് ഇപ്പോൾ ക്രീസിൽ. ഋതുരാജ് ഗെയ്ഗ്വാദ് 71 റൺസ് നേടി പുറത്തായി.
ആദ്യം ബാറ്റിങ്ങിനിറങ്ങിയ ഓസ്‌ട്രേലിയ 50 ഓവറിൽ 10 വിക്കറ്റ് നഷ്ടത്തിൽ 276 റൺസാണ് നേടിയത്. ഡേവിഡ് വാർണർ, സ്റ്റീവ് സ്മിത്ത്, മാർണസ,് ജോഷ് ഇംഗ്ലിസ് എന്നിവരുടെ പ്രകടനമാണ് ഓസ്‌ട്രേലിയയെ ഭേദപ്പെട്ട സ്‌കോറിൽ എത്തിച്ചത്. വാർണർ 53 പന്തിൽ 52 റൺസ് നേടി. സ്മിത്ത് -41, മാർനസ് – 39, ഇംഗ്ലിസ് – 45 റൺസും നേടി.
കൃത്യമായ ഇടവേളകളിൽ വിക്കറ്റ് വീഴ്‌ത്തി ഇന്ത്യൻ ബോളർമാർ ഓസ്‌ട്രേലിയൻ ബാറ്റിംഗ് നിരയെ സമ്മർദ്ദത്തിലാക്കി. ഇന്ത്യയ്‌ക്കായി മുഹമ്മദ് ഷമി അഞ്ച് വിക്കറ്റുകൾ കരസ്ഥമാക്കി മികച്ച പ്രകടനം കാഴ്ചവെച്ചു. അശ്വിൻ, ജഡേജ, ബുമ്ര എന്നിവർ ഓരോ വിക്കറ്റുകളും വീഴ്‌ത്തി.
