ഇന്ത്യൻ ക്രിക്കറ്റ് ഇതിഹാസം എംഎസ് ധോണിയും മലയാളത്തിന്റെ താരരാജാവ് മോഹൻലാലും ഒന്നിച്ചാൽ എങ്ങനെയിരിക്കും?. ഇരുവരും ഒന്നിച്ചുളള ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. മുംബൈയിൽ നിന്നുളള ഈ ചിത്രങ്ങളെ പറ്റിയുളള അഭ്യൂഹങ്ങൾക്കും ഇപ്പോൾ വിരാമമായിരിക്കുകയാണ്.
റെഡ് ആൻഡ് വൈറ്റ് കോമ്പിനേഷനിൽ ക്യാഷ്വൽ വെയർ ധരിച്ച് നിൽക്കുന്ന ധോണിക്കൊപ്പം കേരളീയ തനിമയിൽ പച്ച ഷർട്ടും മുണ്ടും ധരിച്ച് നിൽക്കുന്ന മോഹൻലാലിനെയും കാണാം. ധോണി- മോഹൻലാൽ കൂട്ടുകെട്ടിലെ സിനിമ ആരാധകർക്ക് മുന്നിലോത്തുമോ എന്നതായിരുന്നു ചിത്രങ്ങളെ പറ്റിയുളള അഭ്യൂഹം. എന്നാൽ ഈ സംശയങ്ങൾക്കും ഇപ്പോൾ വിരാമമായിരിക്കുകയാണ്.
മുംബൈയിൽ ഇരുവരും ഒന്നിച്ചത് ഒരു പരസ്യചിത്രത്തിന്റെ ഷൂട്ടിന് വേണ്ടിയാണ്. ക്രിക്കറ്റ്- മോളിവുഡ് പുലികൾ ഒറ്റ ഫ്രെയിമിൽ എന്ന് പറഞ്ഞാണ് ആരാധകർ ഫോട്ടോകൾ പങ്കുവച്ചിരിക്കുന്നത്. ഏറെ കാണാൻ ആഗ്രഹിച്ചൊരു കോമ്പോ ആണിതെന്നും ആരാധകർ പറയുന്നു.
