കോട്ടയം : കോട്ടയത്ത് ഇനി കർണാടക ബാങ്ക് പ്രവർത്തിക്കണോ വേണ്ടയോ എന്ന് ഡിവൈഎഫ് ഐ തീരുമാനിക്കുമെന്ന ജെയ്ക് സി തോമസിന്റെ പ്രസ്താവനയ്ക്ക് നേരെ പരിഹാസം . അയ്മനം കുടയുംപടിയിലെ വ്യാപാരി കെ.സി. ബിനു(50)വിന്റെ ആത്മഹത്യയിൽ കുടുംബം കര്ണാടക ബാങ്കിനെതിരെ പരാതിയുമായി രംഗത്തെത്തിയിരുന്നു . അതിനു പിന്നാലെ നടന്ന പ്രതിഷേധ യോഗത്തിലാണ് കർണാടക ബാങ്ക് പ്രവർത്തിക്കണോ , വേണ്ടയോ എന്ന് ഡി വൈ എഫ് ഐ തീരുമാനിക്കുമെന്ന ജെയ്ക്കിന്റെ പ്രസ്താവന .
‘ സാധാരണക്കാരനായ മനുഷ്യന്റെ അവസാന ചില്ലിക്കാശിനേയും നാണയത്തുട്ടിനേയും ഏതുവിധേനയും പലിശയുടേയും കൊള്ളപ്പലിശയുടേയും മറവില് പിഴിഞ്ഞൂറ്റി തടിച്ചുവീര്ക്കാനാണ് നിര്ഭാഗ്യവശാല് നമ്മുടെ നാട്ടിലെ പുതുതലമുറ ബാങ്കുകള് ശ്രമിക്കുന്നത്. അതിന്റെ ഏറ്റവും ഒടുവിലത്തെ അനുഭവമാണ് കര്ണാടക ബാങ്കില് ഉണ്ടായിരിക്കുന്നത് ‘
.
കര്ണാടക ബാങ്കുപോലെയുള്ള പുതുതലമുറ ബാങ്കുകള്ക്കുള്ള താക്കീതാണ് ഡി.വൈ.എഫ്.ഐയുടെ പ്രതിഷേധം. വ്യാപാരം നടത്തിയ ശേഷം ബാക്കിയായ ചില്ലിക്കാശും നാണയത്തുട്ടുകളും പിടിച്ചുപറിച്ച് അതില്നിന്ന് ലാഭമൂറ്റിക്കുടിച്ച് വളരാമെന്നാണ് കര്ണാടക ബാങ്കുപോലെയുള്ള ബാങ്കുകള് ആഗ്രഹിക്കുന്നതെങ്കില് ഇനി ഈ ബാങ്ക് കോട്ടയം നഗരത്തില് പ്രവര്ത്തിക്കണോ വേണ്ടയോയെന്ന് ഡി.വൈ.എഫ്.ഐ. തീരുമാനിക്കും. അത് നിങ്ങള്ക്കുള്ള താക്കീതാണ്, അത് നിങ്ങള് ഓര്മിച്ചുകൊള്ളണം’, – എന്നായിരുന്നു ജെയ്ക്കിന്റെ പ്രസ്താവന .
എന്നാൽ ഈ ആവേശം എന്തുകൊണ്ടാണ് കരുവന്നൂർ ബാങ്ക് തട്ടിപ്പിൽ കാണിക്കാത്തതെന്നാണ് സോഷ്യൽ മീഡിയയുടെ ചോദ്യം . ലേശം ഉളുപ്പ് കാണിക്കണമെന്നും , കരിവന്നൂരിൽ എന്താ ഡി വൈ എഫ് ഐ ഇല്ലേയെന്നുമൊക്കെയാണ് ചില കമന്റുകൾ. കരുവന്നൂരിലും തട്ടിപ്പ് നടന്ന മറ്റ് സഹകരണ ബാങ്കുകളുടെയും കാര്യം കൂടി ഈ തിരക്കുകൾക്കിടയിൽ ഒന്ന് പരിഗണിക്കണമെന്നും , എല്ലാ പാവങ്ങളുടെ പണമാണ്, എല്ലാവരുടെയും കണ്ണീരിനും ജീവനും തുല്യമായ വിലയുണ്ടെന്നും ചിലർ പറയുന്നു.