ആമസോൺ ഗ്രേറ്റ് ഇന്ത്യൻ ഫെസ്റ്റിവൽ ഒക്ടോബർ 10-ന് ആരംഭിക്കും. ഫ്ളിപ്കാർട്ടിന്റെ ബിഗ് ബില്യൺ ഡേ സെയിലിനൊപ്പമാണ് ആമസോണിന്റെയും ഗ്രേറ്റ് ഇന്ത്യൻ ഫെസ്റ്റിവൽ സാധാരണയായി നടക്കുന്നത്. രണ്ട് കമ്പനികളും ഏകദേശം ഒരേ സമയത്താണ് വിൽപ്പന സംബന്ധിച്ച് ഓഫറുകൾ നൽകുന്നത്.
ആമസോണിന്റെ മറ്റ് സെയിൽ ഇവന്റുകൾക്ക് സമാനമായി വിവിധ തരത്തിലുള്ള ഉത്പന്നങ്ങൾക്ക് ആകർഷകമായ ഡീലുകളും ഓഫറുകളും കിഴിവുകളും വാഗ്ദാനം ചെയ്യുന്നുണ്ട്. കൂടാതെ ആമസോൺ പ്രൈം വരിക്കാർക്ക് നേരത്തെ തന്നെ ആക്സസ് ലഭിക്കുമെന്നും അറിയിച്ചിട്ടുണ്ട്. എസ്ബിഐ ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉടമകൾക്ക് 60 ശതമാനം വരെയും ഇൻസ്റ്റന്റ് ഡിസ്കൗണ്ട് പ്രഖ്യാപിച്ചിട്ടുണ്ട്. ഇതിനു പുറമേ ലോകകപ്പ് ക്രിക്കറ്റുമായി ബന്ധപ്പെട്ടും നിരവധി ഡീലുകളാണ് പ്രഖ്യാപിച്ചിട്ടുള്ളത്. 67 ശതമാനം വരെ ഓഫറുകളാണ് ടെലിവിഷന് നൽകിയിരിക്കുന്നത്.
മൊബൈൽഫോണിനും മറ്റ് ആക്സസറികൾക്കും 40 ശതമാനം വരെ കിഴിവാണ് നൽകിയിട്ടുള്ളത്. 60,000 രൂപ വരെ എക്സേഞ്ച് ഓഫറിലും ലഭ്യമാണ്. ലാപ്ടോപ്പുകൾക്കും ഹെഡ്ഫോണുകൾക്കും 80 ശതമാനം വരെയും ഓഫറുകൾ ലഭ്യമാണ്. ഗ്യാലക്സി എസ് 23 5ജി, വൺ പ്ലസ് ആർ 5ജി, ഐഫോൺ 13, മോട്ടോ റേസർ 40 അൾട്ര, വൺപ്ലസ് നോർഡ് 3 5ജി, റിയൽമി നാർസോ 60 പ്രോ എന്നീ മൊബൈലുകൾക്ക് പ്രത്യേക വിലക്കഴിവ് പ്രഖ്യാപിച്ചിട്ടുണ്ട്.