കോഴിക്കോട്: മതവിലക്കുകള് മറികടന്ന് മാപ്പിളപ്പാട്ട് രംഗത്തേക്ക് ചുവട്വച്ച ആദ്യ മുസ്ലീം ഗായിക റംല ബീഗം (86)അന്തരിച്ചു. മാപ്പിളപ്പാട്ട്, കഥാപ്രസംഗം എന്നിവയിലൂടെ ശ്രദ്ധേയയായ കലാകാരിയുടെ അന്ത്യം.പാറോപ്പടിയിലെ വീട്ടിലായിരുന്നു.എം.എ. റസാഖെഴുതിയ ജമീല എന്ന കഥയാണ് ആദ്യമായി കഥാപ്രസംഗമായി അവതരിപ്പിച്ചത്. അരങ്ങേറിയ നാള് മുതലുള്ള വലിയ എതിര്പ്പുകളെ അവഗണിച്ചാണ് റംലയ്ക്ക് ഈ രംഗത്ത് തുടരാനും നേട്ടങ്ങള് കൈയെത്തിപ്പിടിക്കാനുമായത്.
ആലപ്പുഴ സക്കറിയ ബസാറില് ഹുസൈന് യൂസഫ് യമാന- മറിയം ബീവി (ഫറോക്ക് പേട്ട) ദമ്പതികളുടെ ഇളയ മകളായി 1946 നവംബര് മൂന്നിന് ജനിച്ച റംല ബീഗം ഏഴാം വയസു മുതല് ആലപ്പുഴ ആസാദ് മ്യൂസിക് ട്രൂപ്പില് ഹിന്ദി ഗാനങ്ങള് പാടിയിരുന്നു.ഹുസ്നുല് ജമാല് ബദ്റുല് മുനീര് കഥാപ്രസംഗം ഏറെ ശ്രദ്ധേയമാണ്. സിംഗപ്പൂര്, മലേഷ്യ, ഗള്ഫ് രാജ്യങ്ങള് എന്നിവിടങ്ങളിലെല്ലാം ഇതിനകം നൂറുകണക്കിനു പ്രോഗ്രാമുകള് അവതരിപ്പിച്ചു.
കേരള സംഗീത നാടക അക്കാദമി, ഫോക് ലോര് അക്കാദമി, മാപ്പിള കലാ അക്കാദമി, കെ.എം.സി.സി അവാര്ഡുകള്ക്ക് പുറമെ ഗള്ഫില്നിന്നു വേറെയും നിരവധി പുരസ്കാരങ്ങള് റംലാ ബീഗത്തെ തേടിയെത്തി. ഭര്ത്താവ്. പരേതനായ കെ.എ. സലാം.
