ഹൈദരാബാദ് : ആപ്പിളിന്റെ ഇന്ത്യയിലെ ആദ്യ പ്രീമിയം പങ്കാളിയായ അപ്ട്രോണിക്സ് ഐഫോൺ 15 സീരിസ് അവതരിപ്പിച്ചു. അപ്ട്രോണിക്സ് സ്ഥാപകരായ മേഘ്ന സിംഗ്,സുത്തീർ സിംഗ് എന്നിവർ ചേർന്നാണ് ഐഫോൺ 15 സീരിസ് അവതരിപ്പിച്ചത്. ഇന്ത്യയിലുടനീളമുള്ള 56 സ്റ്റോറുകളിൽ ഐഫോൺ 15 സീരിസ് ലഭ്യമാകും.
ആപ്പിൾ ഐഫോൺ 15 സീരിസിനോടൊപ്പം ആപ്പിൾ വാച്ച് സീരിസ് 9, ആപ്പിൾ വാച്ച് അൾട്രാ 2 എന്നിവയും അവതരിപ്പിച്ചു. ഐഫോൺ 12-ന്റെ ഉപഭോക്താക്കൾക്ക് ഫോണിന്റെ മോഡലനുസരിച്ച് 20,000 മുതൽ 25,000 രൂപ വരെ എക്സ്ചേഞ്ച് ഓഫറും കൂടാതെ അപ്ട്രോണിക്സിന്റെ ഉപഭോക്താക്കൾക്ക് 5000 രൂപയുടെ കിഴിവും ലഭിക്കും.
എച്ച്ഡിഎഫ്സി ബാങ്ക് കാർഡുകൾ ഉള്ളവർക്ക് ഇഎംഐ സൗകര്യത്തിന് പുറമേ 5000 രൂപ വരെ തത്ക്ഷണ മുൻകൂർ ക്യാഷ് ബാങ്കും ലഭ്യമാകും. മുഴുവൻ ഓഫറുകളും കൂടി ചേരുമ്പോൾ 43 ശതമാനത്തിന്റെ കുറവാണ് ഉണ്ടാവുക. അപ്ട്രോണിക്സ് സാന്നിദ്ധ്യം രാജ്യത്തെ എല്ലാ പ്രധാന നഗരങ്ങളിലും വ്യാപിപ്പിക്കുമെന്ന് സുത്തീർ സിംഗ് പറഞ്ഞു.