ഉപയോക്താക്കളുടെ എണ്ണം കൂട്ടി റിലയൻസ് ജിയോ. ജൂലൈ മാസത്തിൽ ടെലികോം വിപണിയിൽ 39 ലക്ഷം പുതിയ ഉപയോക്താക്കളെയാണ് റിലയൻസ് ജിയോ നേടിയത്.
ടെലികോം റെഗുലേറ്ററി അതോറിറ്റി ഓഫ് ഇന്ത്യ പുറത്തുവിട്ട റിപ്പോർട്ടിാലണ് ഇക്കാര്യം വ്യക്തമാക്കുന്നത്.
ജൂലൈ മാസത്തിൽ ലാൻഡ്ലൈൻ കണക്ഷനുകളുടെ എണ്ണം 10 ദശലക്ഷമാണ് ജിയോ മറികടന്നത്. നിലവിൽ ഇന്ത്യയിലെ 30.6 ദശലക്ഷം ലാൻഡ്ലൈൻ വിപണിയിലെ ഓരോ മൂന്ന് കണക്ഷനുകളിൽ ഒന്ന് ജിയോയുടെ സേവനം നൽകുന്നു. കഴിഞ്ഞ മാസം ഇത് 9.95 ലക്ഷമായിരുന്നു കണക്ഷനുകളുടെ എണ്ണം. ജൂലൈയിൽ ജിയോയുടെ വരിക്കാരുടെ വിപണി വിഹിതം 38.6 ശതമാനവും എയർടെല്ലിന്റേത് 32.7 ശതമാനവുമായിരുന്നു. വിഐയുടെ വിപണി വിഹിതത്തിൽ 20 ശതമാനത്തിന്റെ കുറവാണ് രേഖപ്പെടുത്തിയത്.
കഴിഞ്ഞ മാസത്തിൽ ഇന്ത്യയിലെ മൊത്തത്തിലുള്ള മൊബൈൽ ഫോൺ കണക്ഷനുകളുടെ എണ്ണം 2.67 ദശലക്ഷം വർദ്ധിച്ചു. ജൂണിലെ 0.37 ദശലക്ഷവുമായി താരതമ്യം ചെയ്യുമ്പോൾ പുതിയ ഉപയോക്താക്കളുടെ എണ്ണത്തിൽ നിന്ന് ഗണ്യമായ വർദ്ധനവാണിതെന്ന് ട്രായിയുടെ റിപ്പോർട്ടിൽ പറയുന്നു.
