ചന്ദ്രമുഖി 2 ബോക്സ് ഓഫീസിൽ വൻ വിജയം. ഒരു ദിവസത്തെ കളക്ഷൻ 7.5 കോടി രൂപ. തമിഴ് ഹൊറർ-കോമഡി ചിത്രമായ ചന്ദ്രമുഖി-2 സെപ്റ്റംബർ 28-നാണ് പ്രദർശനത്തിനെത്തിയത്. കങ്കണ റണാവത്തും രാഘവ ലോറൻസും പ്രധാന കഥാപാത്രത്തിൽ എത്തിയ ചിത്രത്തിന് വൻ സ്വീകാര്യതയാണ് തീയേറ്ററുകളിൽ ലഭിക്കുന്നത്. ചിത്രത്തിന്റെ ഓപ്പണിംഗ് ബോക്സ് ഓഫീസ് കളക്ഷൻ എല്ലാ ഭാഷകളിലേതും ഉൾപ്പെടെ 7.5 കോടി രൂപയാണ് ലഭിച്ചത്.
ഹിന്ദി-തെലുങ്ക് ഭാഷകളിൽ പുറത്തിറങ്ങിയ ചിത്രം രജനികാന്തിന്റെയും ജ്യോതികയുടെയും 2005-ൽ പുറത്തിറങ്ങിയ ചന്ദ്രമുഖിയുടെ അടുത്ത പതിപ്പാണ്. തമിഴ് സിനിമാ പ്രേമികളെ തീയേറ്ററുകളിലേക്ക് എത്തിക്കാൻ ചന്ദ്രമുഖി 2-ന് കഴിഞ്ഞെന്ന് റിപ്പോർട്ടുകളിൽ പറയുന്നു. പി വാസുവിന്റെ സംവിധാനത്തിൽ അരങ്ങേറിയ ചിത്രം 51.90 ശതമാനം ഒക്യുപൻസി റിപ്പോർട്ട് സ്വന്തമാക്കിയതായും റിപ്പോർട്ടുകൾ സൂചിപ്പിക്കുന്നു. തെലുങ്ക് ഭാഷയിലെത്തിയ ചിത്രത്തിന് 42.65 ശതമാനമാണ് ഒക്യുപൻസി റേറ്റ്. ഹിന്ദിയിൽ ഒക്യുപൻസി റേറ്റ് 12.77 ശതമാനമാണ്.
ചന്ദ്രമുഖി 2-ന് മികച്ച പ്രതികരണമാണ് പുറത്തു വരുന്നത്. കൂടാതെ രാഘവ ചിത്രത്തിൽ എത്തുന്നത് ഇരട്ട വേഷത്തിലാണ്. 2022-ൽ പുറത്തിറങ്ങിയ ധാക്കഡിന് ശേഷം കങ്കണ ബിഗ് സ്ക്രീനിലേക്ക് തിരികെയെത്തിയ ചിത്രമാണ് ചന്ദ്രമുഖി 2.
