പാലക്കാട്: മുലപ്പാൽ തൊണ്ടയിൽ കുരുങ്ങിയതിനെ തുടർന്ന് മൂന്നര മാസം പ്രായമുള്ള ആൺകുഞ്ഞ് മരിച്ചു. വടക്കഞ്ചേരി കുന്നേങ്കാട് സ്വദേശി മനോജ് – അജിത ദമ്പതികളുടെ മകൻ അയാനിക്കാണ് മരിച്ചത്. അജിതയുടെ കിഴക്കഞ്ചേരി പുന്നപ്പാടത്തെ വീട്ടിൽ വെച്ചാണ് സംഭവം ഉണ്ടായത്.
കുഞ്ഞിന് പാൽ കൊടുത്തതിന് ശേഷം തൊട്ടിലിൽ കിടത്തിയതായിരുന്നു. ഒരുപാട് സമയം കഴിഞ്ഞിട്ടും അനക്കമില്ലാത്തതിനെ തുടർന്ന് കുഞ്ഞിനെ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. മുലപ്പാൽ കുരുങ്ങിയതാണ് മരണ കാരണമെന്ന് പോലീസ് പറഞ്ഞു.