ഡിസ്നി-ഹോട്ട്സ്റ്റാറിലെ മറ്റെല്ലാ ഷോകളെയും , സിനിമകളെയും മറികടന്ന്, ആനിമേറ്റഡ് സീരീസായ ബാഹുബലി: ക്രൗൺ ഓഫ് ബ്ലഡ് . ഹിന്ദിയിലെ ഏറ്റവും മികച്ച ഷോയായി മാറിയിരിക്കുകയാണ് ബാഹുബലിയെന്ന് ഗ്രാഫിക് ഇന്ത്യയും ആർക്ക മീഡിയ വർക്കുകളും പറയുന്നു . ബാഹുബലി ക്രൗൺ ഓഫ് ബ്ലഡ് മെയ് 17 മുതലാണ് സ്ട്രീമിങ് ആരംഭിച്ചത് .
ഈ പരമ്പരയുടെ ആദ്യ സീസൺ തന്നെ ഇന്ത്യൻ ആനിമേഷൻ വ്യവസായത്തിന് സുപ്രധാന നേട്ടമായി മാറി കഴിഞ്ഞു . സ്ട്രീമിംഗ് ചാർട്ടുകളിൽ ഒന്നാമതെത്തുന്ന ആദ്യത്തെ 2D-ആനിമേറ്റഡ് ഷോയാണ് ബാഹുബലി.ആദ്യ ദിവസങ്ങളിൽ ഷോയ്ക്ക് 3.3 ദശലക്ഷം കാഴ്ചക്കാരാണുണ്ടായത്.
ഗ്രാഫിക് ഇന്ത്യയുടെ മുൻ സീരീസ്, ദി ലെജൻഡ് ഓഫ് ഹനുമാൻ, അതിന്റെ മൂന്ന് സീസണുകളിലെയും സ്ട്രീമിംഗ് ചാർട്ടുകളിൽ ഒന്നാം സ്ഥാനത്തെത്തിയിരുന്നു. ബാഹുബലിയുടെയും ഭല്ലാലദേവയുടെയും ജീവിതത്തിലെ അജ്ഞാതമായ വഴിത്തിരിവുകളും , ഇരുണ്ട രഹസ്യവും വെളിപ്പെടുത്തുന്നതാണ് സീരീസ് എന്നാണ് എസ് എസ് രാജമൗലി പറയുന്നത്.
‘ ബാഹുബലിയുടെ ലോകം വിശാലമാണ് . ബാഹുബലി ലോകത്തിന് പുത്തൻ രൂപം നൽകിക്കൊണ്ട് ഈ പുതിയ അധ്യായം ഒരു ആനിമേറ്റഡ് ഫോർമാറ്റിൽ അവതരിപ്പിക്കുന്നതിൽ ഞങ്ങൾക്ക് സന്തോഷമുണ്ട്. ശരദ് ദേവരാജൻ, ഡിസ്നി+ഹോട്സ്റ്റാർ, ഗ്രാഫിക് ഇന്ത്യ എന്നിവരുമായി സഹകരിച്ച് കുട്ടികൾക്കപ്പുറം വിശാലമായ പ്രേക്ഷകർക്കായി ഇന്ത്യൻ ആനിമേഷൻ പുനർരൂപകൽപ്പന ചെയ്തതിൽ Arka Mediaworks ഉം ഞാനും ആവേശഭരിതരാണ്.‘ – എസ് എസ് രാജമൗലി പറഞ്ഞു.
