ഇന്ത്യൻ മീഡിയ ഫ്രറ്റേണിറ്റി അഥവാ ഐഎംഎഫ് മധുരമോണം 2023 വ്യത്യസ്ത പരിപരിപാടികളുമായി ആഘോഷിച്ചു. ഖിസൈസ് വുഡ്ലം പാർക്ക് സ്‌കൂളിലാണ് ആഘോഷ പരിപാടികൾ അരങ്ങേറിയത്.വിവിധ സാംസ്‌കാരിക-കലാ-സംഗീത-വിനോദ പരിപാടികളിൽ ഐഎംഎഫിലെ അംഗങ്ങളും അവരുടെ കുടുംബാംഗങ്ങളും പങ്കുചേർന്നു. പൂക്കളം, മാവേലി, തിരുവാതിര, സംഘഗാനം, ഗാനമേള എന്നിവയും വിവിധ മത്സര ഇനങ്ങളായ കസേരകളി, വടംവലി തുടങ്ങിയവയും അരങ്ങേറി.
വേൾഡ് മലയാളി കൗൺസിൽ ഗ്ളോബൽ പ്രസിഡന്റ് ജോൺ മത്തായി (ധന്യ ഗ്രൂപ്പ്), അജിത് ജോൺസൺ (ലുലു ഗ്രൂപ്), യൂനുസ് ഹസ്സൻ (അൽ ഇർഷാദ് കംപ്യൂട്ടർ ഗ്രൂപ്), സി.പി സാലിഹ് (ആസാ ഗ്രൂപ്), സുബൈർ (സെഡ് നീം), ജൂബി കുരുവിള (ഇക്വിറ്റി പ്ളസ്), ഷമീർ (ഡി3), ഇഷാക്ക് (അൽനൂർ പോളി ക്ളിനിക്), കെ.പി മുഹമ്മദ് (കെപി ഗ്രൂപ്), സതീഷ് (കാലിക്കറ്റ് നോട്ട്ബുക്ക്), അഡ്വ. ഷാജി.ബി (ടേസ്റ്റി ഫുഡ്), ഷിനോയ് (ജോയ് ആലുക്കാസ്), ജെന്നി ജോസഫ് (ജെന്നി ഫ്ളവേഴ്സ്), റഷീദ് മട്ടന്നൂർ (ആഡ് ആന്റ് എം ഗ്രൂപ്) എന്നിവർ ഉദാഘാടന വേളയിൽ സന്നിഹിതരായിരുന്നു. ഐഎംഎഫ് കോർഡിനേറ്റർമാരായ അനൂപ് കീച്ചേരി, തൻസി ഹാഷിർ, ജലീൽ പട്ടാമ്പി, കെയുഡബ്ള്യുജെ സാരഥികളായ എം.സി.എ നാസർ, ടി.ജമാലുദ്ദീൻ, പ്രമദ് ബി.കുട്ടി എന്നിവരാണ് ചടങ്ങിന് നേതൃത്വം നൽകിയത്.
ചടങ്ങിൽ നിസ ബഷീർ രചിച്ച ‘ഞാൻ’എന്ന പുസ്തകത്തിന്റെ കവർ സിപി സാലിഹ് പ്രകാശനം നടത്തി. കേരള സർക്കാരിന്റെ മികച്ച ക്യാമറമാനുള്ള പുരസ്‌കാരം നേടിയ കൃഷ്ണപ്രസാദിന് ഐഎംഎഫിന്റെ ഉപഹാരം നൽകി. വിവിധ മേഖലകളിലായി ഈ വർഷം അംഗീകാരം നേടിയ കൂട്ടായ്മയിലെ അംഗങ്ങളെ ഉപഹാരം നൽകി ആദരിച്ചു. മെഗാ റാഫിൾ നറുക്കെടുപ്പും പരിപാടിയുടെ ഭാഗമായി അരങ്ങേറി. ലുലു ഗ്രൂപ് ഇന്റർനാഷണൽ, ഗ്രാന്റ് ഹൈപർ, ഹോട്ട്പാക്ക്, എമിറേറ്റ്സ് ഫസ്റ്റ്, അൽ ഐൻ ഫാം, വേൾഡ് സ്റ്റാർ, വി പെർഫ്യൂംസ്, ചിക്കിംഗ്, ഉജാല, വുഡ്ലം പാർക്ക് സ്‌കൂൾ തുടങ്ങിയ പ്രായോജകരുടെ പിന്തുണയും ‘മധുരമോണം 2023’ പരിപാടിക്കുണ്ടായിരുന്നു.
