ശിവകാർത്തികേയൻ നായകനാകുന്ന ‘അയലാൻ’ എന്ന ചിത്രത്തിനായി ആരാധകർ കാത്തിരിക്കുകയാണ്. ചിത്രം പൊങ്കൽ റിലാസായി അടുത്ത വർഷം എത്തുമെന്ന് അണിയറ പ്രവർത്തകർ അറിയിച്ചിരുന്നു. ഇപ്പോഴിതാ, സിനിമയുടെ ടീസർ ഒക്ടോബർ 6 ന് പുറത്തിറങ്ങുമെന്നാണ് അറിയിച്ചിരിക്കുന്നത്. ചിത്രത്തിന്റെ പുതിയ അപ്ഡഷൻ എ ആർ റഹ്മാനാണ് തന്റെ എക്സ് അക്കൗണ്ടിലൂടെ പുറത്ത് വിട്ടിരിക്കുന്നത്.
അയലിന്റെ പോസ്റ്റ്-പ്രൊഡക്ഷൻ ജോലിക്കിടയിലുള്ള ചിത്രമാണ് പങ്കുവച്ചിരിക്കുന്നത്. ചിത്രത്തിൽ എ ആർ റഹ്മാനും ശിവകാർത്തികേയനും സംവിധായകൻ രവികുമാറിനുമൊപ്പം ഒരു അന്യഗ്രഹ ജീവിയേയും കാണാവുന്നതാണ്. ‘അയലാൻ ടീസറിന്റെ അവസാന ജോലികളിൽ’ എന്ന അടിക്കുറിപ്പോടുകൂടിയാണ് ചിത്രം പങ്കുവെച്ചിരിക്കുന്നത്.
സയൻസ് ഫിക്ഷൻ ചിത്രമാണ് അയലാൻ. സംവിധാനം ആര് രവികുമാറാണ്. തിരക്കഥയും ആര് രവികുമാറിന്റേത് തന്നെ. ഛായാഗ്രാഹണം നിര്വഹിക്കുന്നത് നിരവ് ഷായാണ്. സംഗീതം എ ആര് റഹ്മാനാണ്.