ജയിലറിന്റെ വിജയത്തിന് ശേഷം രജിനികാന്ത് നായകനായി ജയ് ഭീം സംവിധായകൻ ടി ജെ ജ്ഞാനവേൽ ഒരുക്കുന്ന തലൈവർ 170ൽ ഫഹദ് ഫാസിലും. നിർമ്മാതക്കാളായ ലൈക പ്രോഡക്ഷൻസ് വിവരം ഔദ്യോഗികമായി പ്രഖ്യാപിച്ചു. മറ്റൊരു മലയാളി താരം മഞ്ജു വാര്യരും ചിത്രത്തിന്റെ സ്റ്റാർ കാസ്റ്റിലുണ്ട്. ഇന്നലെ മഞ്ജു വാര്യർ ചിത്രത്തിന്റെ ഭാഗമാണെന്ന് സമൂഹമാദ്ധ്യമ അക്കൗണ്ടിലൂടെ ലൈക അറിയിച്ചിരുന്നു. ഇതിന് പിന്നാലെയാണ് കരിയറിലാദ്യമായി ഫഹദ് ഫാസിൽ രജനികാന്തിനൊപ്പം അഭിനയിക്കുന്നുവെന്ന കാര്യവും നിർമ്മാതാക്കൾ വ്യക്തമാക്കിയത്. മാരി സെൽവരാജിന്റെ മാമന്നനാണ് ഒടുവിൽ ഫഹദ് ഫാസിൽ അഭിനയിച്ച തമിഴ് ചിത്രം. ഇതിന് വമ്പൻ വരവേൽപ്പാണ് താരത്തിന് തമിഴ്നാട്ടിൽ ലഭിച്ചത്.
Welcoming the incredibly versatile talent 🎭 Mr. Fahadh Faasil ✨ on board for #Thalaivar170🕴🏼#Thalaivar170Team gains a powerful new addition with the astonishing performer 🤨 #FahadhFaasil joining them. 🎬🤗🌟@rajinikanth @tjgnan @anirudhofficial @RanaDaggubati… pic.twitter.com/cOYwaKqbAL
— Lyca Productions (@LycaProductions) October 3, 2023
“>
ഫഫദിന്റെ ചിത്രമുളള പോസ്റ്റർ പങ്കുവച്ചുകൊണ്ടാണ് ലൈക പ്രോഡക്ഷൻസിന്റെ അറിയിപ്പ്. ചിത്രത്തിന്റെ കൂടുതൽ കാസ്റ്റിംഗ് വിവരങ്ങൾ നിർമ്മാതാക്കൾ ഉടൻ പുറത്ത് വിടും. അനിരുദ്ധ് രവിചന്ദർ ആണ് സംഗീതം. ഫഹദിനും മഞ്ജു വാര്യർക്കുമൊപ്പം ദുഷറ വിജയൻ, റിതിക സിംഗ്, റാണ ദഗുബാട്ടി എന്നിവരും ചിത്രത്തിൽ അഭിനയിക്കുന്നുണ്ട്.