മാതാ അമൃതാനന്ദമയി ദേവിക്ക് ജന്മദിനാശംസകൾ നേർന്ന് ആർഎസ്എസ് സർസംഘചാലക് ഡോ. മോഹൻ ഭാഗവത്. മാതാ അമൃതാനന്ദമയി ഈശ്വരന്റെ കരുണാരൂപമാണെന്ന് അദ്ദേഹം പറഞ്ഞു. ആദ്ധ്യാത്മിക പ്രഭാവംകൊണ്ട് അമ്മ വിശ്വമാകെ സന്തോഷവും ശാന്തിയും മംഗളവും പ്രസരിപ്പിക്കുന്നുവെന്നും വീഡിയോ സന്ദേശത്തിലൂടെ സർസംഘചാലക് വ്യക്തമാക്കി.
ഇത്തരത്തിൽ സിദ്ധരായ സന്യാസിമാരുടെ പ്രവൃത്തിയും പ്രഭാഷണങ്ങളും ലഭിക്കുകയും അവരുടെ ആശീർവാദം നേടുകയും ചെയ്യുന്ന നമ്മൾ ഏറെ ഭാഗ്യം ചെയ്തവരാണ്. നമ്മോടൊപ്പം എന്നും ഉണ്ടായിരിക്കാൻ, ആ സാന്നിധ്യം എപ്പോഴും നമുക്ക് നൽകാൻ ദീർഘായുസ് ലഭിക്കട്ടെ എന്ന് ഹൃദയപൂർവം പ്രാർത്ഥിക്കുന്നുവെന്നും സർസംഘചാലക് പറഞ്ഞു.
അമൃത വിശ്വവിദ്യാപീഠം അമൃതപുരി കാമ്പസിലായിരുന്നു സപ്തതി ആഘോഷങ്ങൾ നടന്നത്. പ്രകൃതി സംരക്ഷണ സന്ദേശവുമായി ഐക്യരാഷ്‌ട്രസഭയിലെ 193 രാജ്യങ്ങളിൽ നിന്നുള്ള പ്രതിനിധികൾ അമ്മയുടെ ജന്മദിനാഘോഷത്തിൽ പങ്കെടുക്കാനെത്തിയിരുന്നു.
