ഈ വർഷത്തെ സാഹിത്യത്തിനുള്ള നൊബേൽ പുരസ്കാരത്തിന് യോൻ ഫോസെ അർഹനായി. ഗദ്യ സാഹിത്യത്തിനും നാടകവേദിക്കും നൽകിയ സംഭാവനകൾക്കാണ് പുരസ്കാരം ലഭിച്ചത്. ‘നോർവീജിയൻ നാടകകൃത്തായ ഫോസെയുടെ എഴുത്തുകൾ നിശബ്ദരാക്കപ്പെട്ടവരുടെ ശബ്ദമാണെന്ന്’ ദി സ്വീഡിഷ് അക്കാദമി പറഞ്ഞു.
1959ൽ നോർവീജിയയുടെ പടിഞ്ഞാറൻ മേഖലയി ജനിച്ച അദ്ദേഹം നാടകം, നോവൽ, കവിതാ സമാഹാരം, ലേഖനം, എന്നീ സാഹിത്യരചനകൾ സൃഷ്ടിക്കുന്നതൽ പ്രശസ്തനാണ്. സെപ്റ്റോളജി എന്ന നോവൽ സീരീസാണ് ഫോസെയെ ലോകപ്രശസ്തനാക്കിയത്. 40ലധികം ഭാഷകളിലേക്ക് ഫോസെയുടെ കൃതികൾ തർജമ ചെയ്തിട്ടുണ്ട്.
നൊബേൽ ലഭിച്ചുവെന്നറിഞ്ഞപ്പോൾ ആദ്യം ഞെട്ടിയെന്നും പിന്നെ വിരണ്ടുപോയെന്നും പുരസ്കാര പ്രഖ്യാപനത്തിന് ശേഷം ഫോസെ പറഞ്ഞു. തികച്ചും സാഹിത്യം മാത്രം പരിഗണിച്ചുകൊണ്ടുള്ള പുരസ്കാരമായാണ് നൊബേൽ അംഗീകാരത്തെ കാണുന്നതെന്നും ഫോസെ കൂട്ടിച്ചേർത്തു.
1901 മുതൽ 115 നൊബേൽ പുരസ്കാരങ്ങളാണ് സാഹിത്യത്തിന് ഇതുവരെ ലഭിച്ചിട്ടുള്ളത്. അതിൽ നാല് പുരസ്കാരങ്ങൾ രണ്ട് പേർ വീതം പങ്കിടുകയായിരുന്നു. 17 വനിതകളാണ് ഇതുവരെ സാഹിത്യ നൊബേൽ പുരസ്കാരത്തിന് അർഹരായിട്ടുള്ളത്.
This year’s #NobelPrize laureate in literature Jon Fosse was born in 1959 on the Norwegian west coast. His immense œuvre is written in Norwegian Nynorsk and spans a variety of genres consisting of plays, novels, poetry collections, essays, children’s books and translations. pic.twitter.com/0esbbHi88A
— The Nobel Prize (@NobelPrize) October 5, 2023