ബിസിസിഐ ഇന്സ്റ്റഗ്രാമില് പങ്കുവച്ചൊരു വീഡിയോയാണ് ആരാധകരുടെ ഹൃദയം കീഴടക്കുന്നത്. സൂപ്പര് താരം വിരാട് കോഹ്ലിയെ കാണാനെത്തിയ ഒരു സ്പെഷ്യല് ആരാധകന്റെ വീഡിയോയാണിത്. ചെന്നൈ സ്വദേശിയായ ശ്രീനിവാസ് ആണ് കഥയിലെ നായകന്. ദിവ്യാംഗനായ ഇദ്ദേഹം താന് വരച്ച കോഹ്ലിയുടെ ഛായ ചിത്രം അദ്ദേഹത്തിന് നല്കാനാണ് ചെന്നൈയിലെ സ്റ്റേഡിയത്തില് ഇന്ത്യന് ടീമിന്റെ പരിശീലം കഴിയും വരെ കാത്തിരുന്നത്.
ശ്രീനിവാസന്റെ കാത്തിരിപ്പ് വെറുതെയായില്ല. പരിശീലനത്തിന് ശേഷം കോഹ്ലി ശ്രീനിവാസന്റെ അടുത്തെത്തി വിശേഷങ്ങള് ചോദിച്ചറിയുകയും കൊണ്ടുവന്ന ഛായ ചിത്രത്തില് ഓട്ടോഗ്രാഫ് നല്കുകയും ചെയ്തു. അനുഗ്രഹം ചൊരിഞ്ഞാണ് താരം മടങ്ങിയത്.
‘ഞാന് ശ്രീനിവാസ്, ചെന്നൈയില് നിന്നാണ്,ഗ്രാഫിക് ഡിസൈനിംഗ് പഠിക്കുന്നു, ടിക്കറ്റ് വാങ്ങാനാണ് ഇവിടെ വന്നത്, അപ്പോഴാണ് താരത്തെ കാണുന്നതും ഞാന് കൊണ്ടുവന്ന ഛായചിത്രം അദ്ദേഹത്തിന് നല്കാന് ശ്രമിക്കുന്നതും. 40 മണിക്കൂറിലേറെ സമയമെടുത്താണ് ഞാനിത് വരച്ചത്. എനിക്ക് അല്പ്പം ടെന്ഷന് ഉണ്ടായിരുന്നു.
?എന്നാല് അദ്ദേഹം എന്റെ അടുത്ത് വന്നു എന്നോട് സംസാരിച്ചു. ഒരു നിമിഷം എനിക്കത് സ്വപ്നമാണെന്ന് തോന്നി. ചിത്രത്തില് ഞാന് ഒപ്പിടണമോ എന്ന് എന്നോട് ചോദിച്ചു. ഒരു ഫോട്ടോ എടുക്കാമോ എന്ന് ചോദിച്ചപ്പോള് തീര്ച്ചയായും എടുക്കാം എന്നാണ് അദ്ദേഹം പറഞ്ഞത്. അദ്ദേഹം ഗ്രൗണ്ടില് കാണുമ്പോലെയല്ല, പുറത്ത് വളരെ ദയാലുവും കരുണയുള്ളയാളുമാണ്. അദ്ദേഹത്തിന്റെ കവര് ഡ്രൈവാണ് എന്നെ ഫാനാക്കിയത്.- ശ്രീനിവാസ് പറഞ്ഞു.
View this post on Instagram
“>
View this post on Instagram
